3-ئاينىڭ 19-كۈنى، شەھەر ئاھالىلىرى ئۈرۈمچى شەھىرىنىڭ شۈيمو دەرياسى بويىدىكى مەنزىرە بەلبېغىدا پىيادە مېڭىپ چېنىقماقتا.
ئانار بۇلۇت\شىنجاڭ گېزىتى خەۋىرى (مۇخبىر چىن مېيخۇا فوتوسى، خەۋىرى) يېقىندا، ئۈرۈمچىدە قۇياش پارلاپ، تېمپېراتۇرا يېقىشلىق بولدى. كۆپلىگەن شەھەر ئاھالىسى ھاۋا ياخشى بولغان پۇرسەتنى تۇتۇپ، سىرتقا چىقىپ باھار سەيلىسى قىلىپ، ئىللىق قۇياش نۇرىدىن ھۇزۇرلاندى.
ئۈرۈمچى شەھىرىدىكى جەنۇبىي باغچىغا ئېسىلغان قىزىل پانۇسلار ئوچۇق ھاۋادا تېخىمۇ جۇلالالىنىپ تۇراتتى، شەھەر ئاھالىلىرى تاماشا قىلغاچ بەخىرامان ئاپتاپقا قاقلىنىۋاتاتتى؛ ئۈرۈمچى شەھىرىنىڭ شۈيمو دەرياسى بويىدىكى مەنزىرە بەلبېغىدا شەھەر ئاھالىلىرى تۆت-بەشتىن بولۇپ ياكى ئائىلىسىدىكىلەرنى ئېلىپ شۈيمو دەرياسى بويىدا چۆرىدەپ ئولتۇرۇپ، سۈرەتكە چۈشۈپ خاتىرە قالدۇردى، ياۋا ئۆردەكلەرگە يەم بەردى؛ شۈيمو دەرياسىدا ياۋا ئۆردەكلەر ئۈزۈپ يۈرەتتى، كونا قومۇشلار يېڭى بىخ چىقارغان بولۇپ، گۈللەپ ياشنىغان ئاۋات مەنزىرە بارلىققا كەلگەنىدى.
«يېقىندا ھاۋا ئىللىدى، بالامنى ئېلىپ سىرتقا چىقىپ ئاپتاپقا قاقلىنىپ، ساپ ھاۋادىن نەپەس ئېلىپ، ناھايىتى راھەتلەندىم» دېدى شەھەر ئاھالىسى لى جىڭ. باغچىدا لى خانىمغا ئوخشاش بالىسىنى ئېلىپ سەيلە قىلغىلى كەلگەن شەھەر ئاھالىسى ئىنتايىن كۆپ ئىدى.
ئىگىلىنىشىچە، ھاۋانىڭ ئىللىشىغا ئەگىشىپ، كەلگۈسى نەچچە كۈندە ئۈرۈمچى شەھىرىدىكى ھەرقايسى چوڭ باغچىلارغا كېلىدىغانلار بارغانسېرى كۆپىيىدىكەن. باغچا باشقۇرۇش تارماقلىرى كەڭ شەھەر ئاھالىلىرىغا سەيلە-ساياھەت قىلغاندا مەدەنىي سەيلە-ساياھەت قىلىش، مۇھىتنى قوغداپ، ئىناق، گۈزەل بولغان سەيلە-ساياھەت قىلىش كەيپىياتىنى ئورتاق يارىتىشنى ئەسكەرتتى.
3-ئاينىڭ 19-كۈنى، ئۈرۈمچى شەھىرىنىڭ شۈيمو دەرياسى بويىدىكى مەنزىرە بەلبېغىدا ئۆسۈملۈكلەر يېڭى بىخ چىقىرىشقا باشلىغانىدى.
3-ئاينىڭ 19-كۈنى، ئۈرۈمچى شەھىرىنىڭ شۈيمو دەرياسى بويىدىكى مەنزىرە بەلبېغىدا ياۋا ئۆردەكلەر ئاپتاپقا قاقلانماقتا.
3-ئاينىڭ 19-كۈنى، شەھەر ئاھالىلىرى ئۈرۈمچى شەھىرىنىڭ شۈيمو دەرياسى بويىدىكى مەنزىرە بەلبېغىدا چۆرىدەپ ئولتۇرۇپ، باھاردىكى ئىللىق قۇياش نۇرىدىن ھۇزۇرلانماقتا.
3-ئاينىڭ 17-كۈنى، بىر شەھەر ئاھالىسى ئۈرۈمچى شەھىرىدىكى جەنۇبىي باغچىدا پانۇسلارنى سۈرەتكە تارتماقتا.
3-ئاينىڭ 19-كۈنى، شەھەر ئاھالىلىرى ئۈرۈمچى شەھىرىنىڭ شۈيمو دەرياسى بويىدىكى مەنزىرە بەلبېغىدا سەيلە قىلماقتا.
3-ئاينىڭ 19-كۈنى، شەھەر ئاھالىلىرى ئۈرۈمچى شەھىرىنىڭ شۈيمو دەرياسى بويىدىكى مەنزىرە بەلبېغىدا ياۋا ئۆردەكلەرگە يەم بەرمەكتە.
«ئانار بۇلۇت»تىن ئېلىپ تەرجىمە قىلىندى
