يېقىندا، مەملىكەتلىك دوكتورئاشتى باشقۇرۇش كومىتېتىنىڭ تەستىقلىشى بىلەن، شىنجاڭ ئىلى چۇەننىڭ بىيوتېخنىكا پاي چەكلىك شىركىتى قاتارلىق توققۇز كارخانا، كەسپىي ئورۇن دۆلەت دەرىجىلىك دوكتورئاشتى پەن تەتقىقات خىزمەت پونكىتى تەسىس قىلىش تەستىقىغا رەسمىي ئېرىشتى، شىنجاڭدا يېڭىدىن تەسىس قىلىنغان پونكىتلارنىڭ ئەنگە ئېلىنىپ ماقۇللىنىش نىسبىتى تۇنجى قېتىم ％100كە يەتتى.
ھازىرغىچە، شىنجاڭدا تۈرلۈك دوكتورئاشتى پونكىتىدىن جەمئىي 206سى قۇرۇلدى، بۇ، دۆلەت دەرىجىلىك دوكتورئاشتى پەن تەتقىقات كۆچمە پونكىتىدىن 34نى، دۆلەت دەرىجىلىك دوكتورئاشتى پەن تەتقىقات خىزمەت پونكىتىدىن 70نى، باغچە رايونى شۆبە پونكىتىدىن 31نى، ئاپتونوم رايون دەرىجىلىك دوكتورئاشتى يېڭىلىق يارىتىش ئەمەلىيەت بازىسىدىن 71نى ئۆز ئىچىگە ئالىدىغان بولۇپ، دوكتورئاشتى تەتقىقات خادىمىدىن جەمئىي 1742نى قوبۇل قىلىپ يېتىشتۈردى.
