3-ئاينىڭ 11-كۈنى، مۇخبىرنىڭ ئۈرۈمچى شەھەرلىك ئورمانچىلىق ۋە ئوتلاق ئىدارىسى (شەھەرلىك باغ ئورمان باشقۇرۇش ئىدارىسى)دىن ئىگىلىشىچە، ئالدىنقى باسقۇچلۇق تەكشۈرۈپ تەتقىق قىلىشقا ئاساسەن، بۇ يىل كىچىك شادلىق باغچىلىرىنى كۆكەرتىشكە ئىشلىتىلىدىغان يەرلەر داۋاملىق قېزىلىپ، شارائىتقا قاراپ ئىش كۆرۈلۈپ، يېڭىدىن 13 كىچىك شادلىق باغچىسى قۇرۇلىدىكەن. بۇمۇ ئۈرۈمچى شەھىرىنىڭ 2025-يىلىدىكى خەلق تۇرمۇشىغا مۇناسىۋەتلىك ئون ئەمەلىي ئىشنىڭ بىرى، «شەھەر يۈرۈشلۈك ئەسلىھەلىرىنى مۇكەممەللەشتۈرۈش»نىڭ بىر قىسمى.
بۇ 13 كىچىك شادلىق باغچىسىنىڭ تۆتى ئىقتىساد-تېخنىكا تەرەققىيات رايونى (تۇدۇڭخابا رايونى)دا ئىكەن، مىدۇڭ رايونى، يۇقىرى، يېڭى تېخنىكىلىق كەسىپلەر تەرەققىيات رايونى (يېڭىشەھەر رايونى)، تىيانشان رايونى، سايباغ رايونلىرىنىڭ ھەر قايسىسىدا ئىككىدىن، شىمىگۇ رايونىدا بىرى بار ئىكەن.
«13 كىچىك شادلىق باغچىسى پۈتكەندىن كېيىن، يېڭىدىن كۆپەيتىلگەن شادلىق باغچىسى كۆلىمىنىڭ 300 موغا يېتىشى مۆلچەرلەندى» دېدى ئۈرۈمچى شەھەرلىك ئورمانچىلىق ۋە ئوتلاق ئىدارىسى (شەھەرلىك باغ ئورمان باشقۇرۇش ئىدارىسى) پىلانلاش، قۇرۇش، باشقۇرۇش بۆلۈمىنىڭ كادىرى ئېرنار.
پىلان بويىچە، بۇ يىل كىچىك شادلىق باغچىسى قۇرۇلۇشىدا شەھەر رايونىدىكى «بۇلۇڭ-پۇچقاقلار»دىن تولۇق پايدىلىنىلىپ، ئاھالىلەرنىڭ تۇرمۇش چەمبىرىكىگە يېقىن ئورۇن تاللىنىپ، خەلققە قولايلاشقان، ئومۇمىي مەنپەئەتدار بولۇش گەۋدىلەندۈرۈلۈش بىلەن بىللە، يېشىللىق ۋە باغچىنىڭ مۇلازىمەت ئۈنۈم ئىقتىدارىغا ئەھمىيەت بېرىلىپ، شەھەر ئاھالىلىرىنىڭ پۈتۈن ۋاقىت بۆلىكى بويىچە سەيلە قىلىشى ۋە ئارام ئېلىشى، پۈتۈن ياش قاتلىمىدىكى ھەممەيلەننىڭ ئورتاق بەھرىلىنىشىگە تېخىمۇ قولايلىق يارىتىلىدۇ.
13 كىچىك شادلىق باغچىسى قۇرۇش بىلەن بىللە، بۇ يىل ئۈرۈمچى شەھىرى يەنە 84 كوچىدىكى يېشىللىق يەردىكى كۆچەت كەم بولۇپ بوش قالغان ۋە ئېچىلىپ قالغان رايونلارغا تولۇقلاپ كۆچەت تىكىپ، يېشىللىقنى تېخىمۇ كۆپەيتىشنى پىلانلىدى.
ئېرنار مۇنداق دېدى: شەھەرنىڭ باغ ئور مان كۆكەرتىش قۇرۇلۇشىغا سىجىل پۇختا تۈرتكە بولۇش ئارقىلىق، تارقىلىشى تەكشى، قۇرۇلمىسى مۇۋاپىق، مۇھىتى گۈزەل كىچىك شادلىق باغچىسىنى كۈچەپ بەرپا قىلىپ، ئاممىنىڭ تۇرمۇش سۈپىتىگە بولغان ئىنتىلىشىنى قاندۇرۇپ، ئاممىنى ھەقىقىي تۈردە ئۆزگىرىشنى كۆرۈش، ئۈنۈمنى كۆرۈش، ئەمەلىي نەپكە ئېرىشىشىش ئىمكانىيىتىگە ئىگە قىلىمىز.
سانلىق مەلۇماتتا كۆرسىتىلىشىچە، ھازىرغا قەدەر، ئۈرۈمچى شەھىرىنىڭ كىشى بېشىغا توغرا كېلىدىغان باغچە، يېشىللىق كۆلىمى 13.05 كىۋادرات مېتىر، باغچىدىكى كۆكەرتىلگەن پائالىيەت مەيدانىنىڭ مۇلازىمەت رادىيوسى بىلەن قاپلىنىش نىسبىتى %88.9 بولۇپ، شەھەر ئاھالىلىرىنىڭ ئولتۇراقلىشىش ئېكولوگىيە مۇھىتى سىجىل ياخشىلىنىشقا يۈزلەنگەن.
13 كىچىك شادلىق باغچىسىنىڭ جايلىشىشى
مىدۇڭ رايونى: يۇڭشۇن كوچىسى شادلىق باغچىسى، ۋەنكې باغچىسى چوڭ يولىنىڭ جەنۇبىدىكى شادلىق باغچىسى
ئىقتىساد تېخنىكا تەرەققىيات رايونى (تۇدۇڭخابا رايونى): لۇشەنيۈەن شىمالى كىچىك شادلىق باغچىسى، لۇشەنيۈەن غەربى 1-كىچىك شادلىق باغچىسى، لۇشەنيۈەن غەربى 2-كىچىك شادلىق باغچىسى، لۇشەنيۈەن جەنۇبى كىچىك شادلىق باغچىسى
يۇقىرى، يېڭى تېخنىكىلىق كەسىپلەر تەرەققىيات رايونى (يېڭىشەھەر رايونى): ۋۇيۆ خۇايۈەن شەھەرچىسى ئەتراپىدىكى كىچىك شادلىق باغچىسى شىمالىي باغچىسى، جەنۇبىي باغچىسى
تىيانشان رايونى: داۋان تەۋەلىك رايونى شادلىق باغچىسى، يۆجىنگەي تەۋەلىك رايونى شادلىق باغچىسى
سايباغ رايونى: شۈەنۋۇخۇ يولى بىلەن ۋەنشېڭ كوچىسى كېسىشكەن جايدىكى شادلىق باغچىسى، 12-ئوتتۇرا مەكتەپ ئەتراپىدىكى شادلىق باغچىسى
شىمىگۇ رايونى: چىڭشىن يولى شادلىق باغچىسى
«شىنجاڭ گېزىتى» ۋىيشىن ئاممىۋى سۇپىسىدىن ئېلىپ تەرجىمە قىلىندى
