2025-يىللىق داشۆ ئوقۇغۇچىلىرى پىدائىيلار مۇلازىمىتى غەربىي قىسىم پىلانىغا تىزىملىتىش يولى ئېچىلدى، 3-ئاينىڭ 1-كۈنىدىن 5-ئاينىڭ باشلىرىغىچە، ئادەتتىكى ئالىي مەكتەپلەرنى بۇ يىل پۈتكۈزىدىغان ئوقۇغۇچىلار ياكى ئوقۇۋاتقان ئاسپىرانتلار غەربىي قىسىم پىلانىغا تىزىملىتىش سىستېمىسىدا تىزىمغا ئالدۇرسا بولىدۇ. بۇ يىل غەربىي قىسىم پىلانىغا 50 مىڭ پىدائىي قوبۇل قىلىش مۆلچەرلەندى.
غەربىي قىسىم پىلانىدا يېزا-كەنت مائارىپى، يېزا-كەنت قۇرۇلۇشىغا مۇلازىمەت قىلىش، ساغلام يېزا-كەنت، ئاساسىي قاتلام ياشلار خىزمىتى، يېزا-كەنت جەمئىيەت ئىدارە قىلىش، ۋەتەننى قوغداپ چېگرانى مۇھاپىزەت قىلىش، شىنجاڭغا مۇلازىمەت قىلىش، شىزاڭغا مۇلازىمەت قىلىش قاتارلىق سەككىز مەخسۇس تۈر تەسىس قىلىنغان بولۇپ، ％90تىن ئارتۇق مۇلازىمەت ئىش ئورنى يېزا-بازار ۋە ئۇنىڭدىن تۆۋەن دەرىجىلىك ئورۇنلاردا تەسىس قىلىنغان. غەربىي قىسىم پىلانى پىدائىيلىرىنىڭ مۇلازىمەت ۋاقتى بىر يىلدىن ئۈچ يىلغىچە بولۇپ، مۇلازىمەت كېلىشىمى يىلدا بىر قېتىم ئىمزالىنىدۇ. پىدائىيلارنىڭ مۇلازىمەت ۋاقتى توشقاندا ئاساسىي قاتلامدا داۋاملىق يىلتىز تارتىشىغا ئىلھام بېرىش ئۈچۈن، دۆلەت ئۆرلەپ ئوقۇش، ئىشقا ئورۇنلىشىش، تەربىيەلەش قاتارلىق كۆپ جەھەتلەردە سىياسەت جەھەتتىن قوللايدۇ.
«ئانار بۇلۇت»تىن ئېلىپ تەرجىمە قىلىندى
