سىزگە دائىم تەربىيەلەش مەكتەپلىرى، قەرز بېرىش سۇپىسى، ئۆي-جاي سېتىش قاتارلىق مەھسۇلات تونۇشتۇرۇش تىپىدىكى كۈتۈلمىگەن پاراكەندىچىلىك تېلېفونلىرى كېلىپ تۇرامدۇ؟
«پاراكەندىچىلىك تېلېفونى»دىن قانداق ساقلىنىش كېرەك؟
1. شەخسىي ئۇچۇر بىخەتەرلىكىنى قوغداشنى كۈچەيتىپ، شەخسىي ئۇچۇرنى خالىغانچە ئاشكارىلاشتىن ساقلىنىش، ناتونۇش كىشىلەرنىڭ قىسقا ئۇچۇرى ۋە تېلېفونىنى ئېھتىياتچانلىق بىلەن بىر تەرەپ قىلىش، يان تېلېفون سىستېمىسى ۋە قوللىنىش پىروگراممىسىنى ۋاقتىدا يېڭىلاش كېرەك.
2. يان تېلېفوننىڭ «پاراكەندىچىلىكتىن ساقلىنىش» ئىقتىدارىنى ئېچىۋېتىش ياكى تېلېگراف تىجارىتى كارخانىسى تەمىنلىگەن «پاراكەندىچىلىك تېلېفونىنى رەت قىلىش» مۇلازىمىتىنى ئىشلىتىش كېرەك.
جۇڭگو كۆچمە خەۋەرلىشىش ئابۇنىچىلىرى
«جۇڭگو كۆچمە خەۋەرلىشىشىنىڭ كۆپ كېلىدىغان پاراكەندىچىلىك تېلېفونىدىن مۇداپىئەلىنىش» ۋىيشىن ئاممىۋى سۇپىسىغا ئەزا بولۇپ، تىزىملىك ئىستونىدىكى «تېلېفون مۇداپىئەسى» ئىچىدىن «پاراكەندىچىلىكنى توسۇش تەڭشىكى»نى چېكىپ، كەلگەن نومۇرنى توسۇش كەيگۈەنىنى ئېچىش كېرەك. ئاندىن ئالدىنقى بەتكە قايتىپ «مۇداپىئە كەسپى كەيگۇەنى»نى چېكىپ، كۆپ كېلىدىغان پاراكەندىچىلىك تېلېفونىدىن مۇداپىئەلىنىش كەيگۈەنىنى ئېچىش كېرەك.
جۇڭگو تېلېگرافى ئابۇنىچىلىرى
«تيەنيى پاراكەندىچىلىكتىن ساقلىنىش» ۋىيشىن ئاممىۋى سۇپىسىغا ئەزا بولۇپ، تىزىملىك ئىستونىدىكى «كەلگەن تېلېفوندىن مۇداپىئەلىنىش»نى چېكىپ ← «كەلگەن تېلېفوننىڭ ئاۋارىچىلىكىدىن ساقلىنىش تەڭشىكى»نى چېكىپ، «ئۆز تېلېفون نومۇرى ئارقىلىق بىر كۇنۇپكا بىلەن تىزىملىتىش»نى تاللاپ، «دەرھال ئېچىش»نى چېكىپ، ئاندىن «كەلگەن تېلېفوندىن مۇداپىئەلىنىش» بېتىگە قايتىپ، ئاۋارىچىلىكتىن ساقلىنىش ئىقتىدارىنى قوشسىلا بولىدۇ.
جۇڭگو بىرلەشمە خەۋەرلىشىش ئابۇنىچىلىرى
جۇڭگو بىرلەشمە خەۋەرلىشىشى APPسىنى ئېچىپ، ئىزدەش ئىستونىدىن «يان تېلېفون ياردەمچىسى»نى ئىزدەش ← يان تېلېفون نومۇرىنى باغلاش ← مۇلازىمەتنى ئېچىشنى تاللاپ، ئاندىن «يان تېلېفون ياردەمچىسى» بېتىگە قايتىپ، مۇداپىئەلەنمەكچى بولغان تۈرلەرنى تاللىسا بولىدۇ.
3. پاراكەندىچىلىك تېلېفونى كەلسە، «12321 قوبۇل قىلىش مەركىزى» ۋىيشىن ئاممىۋى سۇپىسىغا ئەزا بولۇپ، «ئەرز قىلىمەن»نى چېكىپ ئالاقىدار ئۇچۇرلارنى تولدۇرسا بولىدۇ.
4. پاراكەندىچىلىك تېلېفونى يامان غەرەزدە «توختىماي پاراكەندىچىلىك سېلىۋەرسە»، ئالاقىدار دەلىل-ئىسپاتلارنى ساقلاپ قېلىپ، 110 ساقچىغا مەلۇم قىلىش تېلېفونىغا تېلېفون قىلسا بولىدۇ.
«ئانار بۇلۇت»تىن ئېلىپ تەرجىمە قىلىندى
