يېقىندا، ۋىيشىن بىخەتەرلىك مەركىزى «‹كۈتۈنۈش بىۋاسىتە كۆرسىتىشى›نىڭ بەلگىلىمىگە خىلاپ سىرتقى ئۇلىنىشىنى تۈزەش توغرىسىدىكى ئۇقتۇرۇش»نى ئېلان قىلدى.
«ئۇقتۇرۇش»تا مۇنداق كۆرسىتىلدى: ۋىيشىن بىخەتەرلىك مەركىزى تاپشۇرۇۋالغان ئابۇنىچىلار ئەرزىدە دېيىلىشىچە، قىسمەن «كۈتۈنۈش» «پەننى ئومۇملاشتۇرۇش» «ئاممىۋى مەنپەئەتدارلىق» بايرىقىنى كۆتۈرۈۋالغان ۋىيشىن توپلىرى توپتا H5 ئۇلانمىسىنى تارقىتىپ، ئابۇنىچىلارنى سىرتقى بىۋاسىتە كۆرسىتىشكە يۆتكىلىپ كىرىشكە يېتەكلىگەن. بۇ بىۋاسىتە كۆرسىتىشلەردە قارىماققا كۈتۈنۈش بىلىملىرى سۆزلەنگەندەك كۆرۈنسىمۇ، لېكىن ئەمەلىيەتتە ياشانغانلارنىڭ ساغلاملىقنى ئارزۇ قىلىش پىسخىكىسىدىن پايدىلىنىپ، ئالاقىدار مەھسۇلاتلارنىڭ ئۈنۈمىنى مۇبالىغە قىلىپ، ياشانغانلارنى «كۈتۈنۈش» تۈرىدىكى رېتسېپسىز دورا مەھسۇلاتلىرى ياكى ساغلاملىق مەھسۇلاتلىرىنى يۇقىرى باھادا سېتىۋېلىشقا ئۈندىگەن.
ۋىيشىن بىخەتەرلىك مەركىزى مۇنداق بىلدۈردى: يۇقىرىقى قىلمىشلار بايقالغان ھامان تەكشۈرۈلىدۇ، سۇپا دۆلەتنىڭ ئالاقىدار قانۇن-نىزاملىرى ھەمدە «تېڭشۈننىڭ ۋىيشىن يۇمشاق ماتېرىيال ئىجازىتى ۋە مۇلازىمەت كېلىشىمى» «ۋىيشىن شەخسىي نومۇرىنى ئىشلىتىش قائىدىسى» «ۋىيشىننىڭ سىرتقى ئۇلىنىشقا دائىر مەزمۇننى باشقۇرۇش قائىدىسى» قاتارلىق ئۆلچەملەرگە ئاساسەن بىر تەرەپ قىلىنىدۇ. ئەگەر سىرتقى ئۇلىنىشتىكى بىۋاسىتە كۆرسىتىشنىڭ مەزمۇنى بەلگىلىمىگە خىلاپ ھالدا داۋالاش، دورىگەرلىك، ساغلاملىق يېمەكلىكلىرى قاتارلىق ئۇچۇرلارنى ئېلان قىلىشقا چېتىلسا، ۋىيشىن تېرمىنالى ئۇلىنىشنى زىيارەت قىلىشنى چەكلەيدۇ، شۇنىڭ بىلەن بىللە، سۇپا ئابۇنىچىلارنىڭ ئەرز قىلىش ئىسپاتىغا بىرلەشتۈرۈپ، بۇ خىلدىكى بەلگىلىمىگە خىلاپ ۋىيشىن نومۇرىنى چەكلەش سالمىقىنى زورايتىدۇ.
ۋىيشىن بىخەتەرلىك مەركىزى كۆپچىلىكنى ساغلاملىق مەھسۇلاتلىرى كېسەلنىڭ ئالدىنى ئالىدۇ ياكى داۋالايدۇ دېگەنگە ئوخشاش ساختا تەشۋىقاتقا قەتئىي ئىشەنمەسلىككە ئەسكەرتىدۇ. شۇنىڭ بىلەن بىللە، ۋىيشىن بىخەتەرلىك كوللېكتىپى ئوتتۇرىدىكى بەت ئارقىلىق ئابۇنىچىلارنى گۇمانلىق بىۋاسىتە كۆرسىتىش ئۇلىنىشىنى پەرقلەندۈرۈشكە دىققەت قىلىشقا ئەسكەرتىدۇ، ئابۇنىچىلار بىخەتەرلىك ئەسكەرتىشى تاپشۇرۇۋالسا چوقۇم ھوشيارلىقنى ئۆستۈرۈشى كېرەك.
ۋىيشىن بىخەتەرلىك مەركىزى مۇنداق بىلدۈردى: ئابۇنىچىلار ئۆزى تۇرۇشلۇق ۋىيشىن توپىدا «دەرس ئاڭلاش، سوئالغا جاۋاب بېرىش، قىزىل بولاق ئېلىش، مەھسۇلات سېتىۋېلىش» قاتارلىق بەلگىلىمىگە خىلاپ قىلمىشلارنى بايقىسا، ئابۇنىچىلار تېرمىنالى ئارقىلىق دەرھال ئەرز قىلىشى كېرەك، ئىسپاتلار تەكشۈرۈپ دەلىللەنگەندىن كېيىن ۋاقتىدا بىر تەرەپ قىلىنىدۇ.
«ئانار بۇلۇت»تىن ئېلىپ تەرجىمە قىلىندى
