14-نۆۋەتلىك مەملىكەتلىك خەلق قۇرۇلتىيى 3-يىغىنى 3-ئاينىڭ 6-كۈنى ئىقتىساد باش تېمىسىدا مۇخبىرلارنى كۈتۈۋېلىش يىغىنى ئۆتكۈزدى، ئالاقىدار تارماقلارنىڭ مەسئۇللىرى تەرەققىيات ۋە ئىسلاھات، مالىيە خامچوتى، سودا، پۇل مۇئامىلە، ئاكسىيە قاتارلىق مەسىلىلەر توغرىسىدا جۇڭگو ۋە چەت ئەل مۇخبىرلىرىنىڭ سوئاللىرىغا جاۋاپ بەردى.
دۆلەت تەرەققىيات ۋە ئىسلاھات كومىتېتىنىڭ مۇدىرى جېڭ شەنجيې مۇنداق تونۇشتۇردى: ئەلا سۈپەتلىك مائارىپ بايلىقى بىلەن تەمىنلەشنى كېڭەيتىپ، مەجبۇرىيەت مائارىپىدىكى يېڭى، ئەلا سۈپەتلىك مەكتەپتىن 10 مىڭدىن ئارتۇقنى بەرپا قىلىمىز، ئەلا سۈپەتلىك ئادەتتىكى تولۇق ئوتتۇرا مەكتەپتىن 1000دىن ئارتۇقنى قۇرىمىز. شۇنىڭ بىلەن بىللە، ئالىي مائارىپنىڭ سۈپىتىنى ئۆستۈرۈپ دەرىجىسىنى ئاشۇرۇشقا سىجىل تۈرتكە بولۇپ، «قوش بىرىنچى قاتار» قۇرۇلۇشىدىكى ئالىي مەكتەپلەرنىڭ تولۇق كۇرس ئوقۇغۇچىلىرىنى قوبۇل قىلىش كۆلىمىنى يەنىمۇ كۆپەيتىپ، بۇ يىل تىرىشىپ 20 مىڭ ئوقۇغۇچىنى كۆپەيتىپ قوبۇل قىلىمىز. قىسقىسى، بىز تېخىمۇ كۆپ بالىنى تېخىمۇ ئادىل، تېخىمۇ ئەلا سۈپەتلىك مائارىپنى قوبۇل قىلىش ئىمكانىيىتىگە ئىگە قىلىش ئۈچۈن تىرىشچانلىق كۆرسىتىمىز.
