تىيانشان تورى-شىنجاڭ گېزىتى خەۋىرى: 1-ئاينىڭ 26-كۈنى، ئاپتونوم رايونلۇق پارتىيە كومىتېتى بەنگۇڭتىڭى، ئاپتونوم رايونلۇق خەلق ھۆكۈمىتى بەنگۇڭتىڭى «ئەلا سۈپەتلىك، تەڭپۇڭ بولغان ئاساسىي ئاممىۋى مائارىپ مۇلازىمەت سىستېمىسى بەرپا قىلىش توغرىسىدىكى يولغا قويۇش لايىھەسى»(تۆۋەندە قىسقارتىلىپ «يولغا قويۇش لايىھەسى» دېيىلىدۇ)نى بېسىپ تارقاتتى ھەم ئۇقتۇرۇش چىقىرىپ، ھەرقايسى جايلار ۋە ھەرقايسى تارماقلاردىن ئەمەلىيىتىگە بىرلەشتۈرۈپ ئەستايىدىل ئىزچىللاشتۇرۇش، ئەمەلىيلەشتۈرۈشنى تەلەپ قىلدى.
«يولغا قويۇش لايىھەسى»دە مۇنۇلار ئايدىڭلاشتۇرۇلدى: ئوقۇش پۈتكۈزگەن ئوقۇغۇچىلارغا ئىشقا ئورۇنلىشىش، ئىگىلىك تىكلەش بويىچە مۇلازىمەت قىلىش كۈچەيتىلىدۇ. ئوقۇغۇچىلارنىڭ كەسپىي ھاياتىنى پىلانلىشى ۋە ئىشقا ئورۇنلىشىشى، ئىگىلىك تىكلىشىگە يېتەكچىلىك قىلىشقا ئەھمىيەت بېرىلىپ، كەسپىي ھاياتىنى پىلانلىشى تولۇق ئوتتۇرا مەكتەپ باسقۇچى مائارىپىغا يۇغۇرۇلىدۇ. ئاپتونوم رايوننىڭ ئىشقا ئورۇنلىشىش، ئىگىلىك تىكلەش ئۇنىۋېرسال مۇلازىمەت سۇپىسى ۋە ئادەم كۈچى بايلىقى مۇلازىمىتىنى ئۇنىۋېرسال باشقۇرۇش سۇپىسى قۇرۇلۇشى كۈچەيتىلىپ، مەكتەپلەردە كۆپ خىل شەكىلدىكى خىزمەتكە تەكلىپ قىلىش پائالىيەتلىرى ئۆتكۈزۈلۈپ، ئادەم ئىشلەتكۈچى ئورۇنلار بىلەن تەمىنلەش-ئېھتىياجنى ئۇدۇللاشتۇرۇش كۈچەيتىلىپ، شۇ يىلى ئوقۇش پۈتكۈزگەن خىزمەت ئېھتىياجى بار ئوقۇغۇچىلار پىراكتىكا قىلىش ۋە ئىشقا ئورۇنلىشىشقا يار-يۆلەك بولۇش قاتارلىق مۇلازىمەتلەر بىلەن تەمىنلىنىدۇ.
«تىيانشان تورى»دىن ئېلىپ تەرجىمە قىلىندى
