2-ئاينىڭ 14-كۈنى، كوناشەھەر ناھىيەسى ئوغۇساق بازىرىدىكى زامانىۋى يېزا ئىگىلىك كەسىپلەر باغچىسىنىڭ گىلاس پارنىكىدا شاخلاردىكى گىلاس راسا چېچەكلەش مەزگىلىگە كىرگەن بولۇپ، ئاپئاق چېچەكلەر شاخلارغا لىق تولغانىدى، گىلاس ئۆستۈرگۈچىلەر پەرۋىش قىلىش بىلەن ئالدىراش بولۇپ، تىرىشقانلارغا باھار بالدۇر كېلىدىغان خۇشاللىنارلىق مەنزىرە نامايان بولۇپ تۇراتتى. 2022-يىلى 3-ئايدىن باشلاپ، كوناشەھەر ناھىيەسى ئوغۇساق بازىرىنىڭ زامانىۋى يېزا ئىگىلىك كەسىپلەر باغچىسىدا گىلاس ئۆستۈرۈش باشلاندى، نۆۋەتتە كەسىپلەر باغچىسىدا جەمئىي 25 گىلاس پارنىكى بار بولۇپ، ئۆستۈرۈش جەريانىدا گىلاس ئۆستۈرگۈچىلەر تېمپېراتۇرا، نەملىك ۋە كۈن نۇرى قاتارلىقلارنى قاتتىق كونترول قىلدى ھەم ئەلا سۈپەتلىك ئورگانىك ئوغۇت ئىشلىتىش ئارقىلىق گىلاسنىڭ تەمى ۋە ئوزۇقلۇق قىممىتىنى ئاشۇردى. (ئىختىيارىي مۇخبىر ھاۋاگۈل)
گىلاس ئۆستۈرگۈچى گىلاس چېچىكىنى سۈنئىي چاڭلاشتۇرماقتا.
راسا ئېچىلغان گىلاس چېچەكلىرى.
«ئانار بۇلۇت»تىن ئېلىپ تەرجىمە قىلىندى
