ئانار بۇلۇت\شىنجاڭ گېزىتى خەۋىرى 1-ئاينىڭ 8-كۈنى، ئاپتونوم رايونلۇق خەلق ھۆكۈمىتىنىڭ تور بېكىتىگە ئاساسلانغاندا، يېقىندا، ئاپتونوم رايونلۇق خەلق ھۆكۈمىتى بەنگۇڭتىڭى «ئاپتونوم رايوننىڭ قار-مۇز تەنھەرىكىتىنىڭ يۇقىرى سۈپەتلىك تەرەققىياتى ئارقىلىق قار-مۇز ئىقتىسادىنىڭ ھاياتىي كۈچىنى ئۇرغۇتۇش توغرىسىدىكى يولغا قويۇش لايىھەسى»نى بېسىپ تارقاتقان.
«لايىھە»دە مۇنداق ئوتتۇرىغا قويۇلدى: مالىيە، پۇل مۇئامىلە مەدىتى سالمىقىنى زورايتىلىدۇ. قار-مۇز كەسپى تەرەققىيات مەخسۇس فوندى تەسىس قىلىش ئۈستىدە ئىزدىنىپ، تۈرلۈك مەبلەغ سېلىش ئاپپاراتلىرىنىڭ قار-مۇز مەيدان-ئەسلىھەلىرى قۇرۇلۇشىغا مەبلەغ سېلىش سالمىقىنى زورايتىشىغا ئىلھام بېرىلىدۇ. 2024-يىلىدىن 2026-يىلىغىچە، ئاپتونوم رايون پۈتۈن شىنجاڭدىكى S دەرىجىلىكتىن يۇقىرى قار تېيىلىش مەيدانلىرىنىڭ بانكا قەرز پۇلىغا ئۆسۈم ياردەم پۇلى بېرىدۇ. پۇل مۇئامىلە ئاپپاراتلىرىنىڭ قانۇن-بەلگىلىمە بويىچە پۇل مۇئامىلە مەھسۇلاتلىرىدا يېڭىلىق يارىتىشىغا ئىلھام بېرىپ، قار-مۇز كارخانىلىرىغا ئىناۋەتلىك قەرز بېرىش سالمىقى زورايتىلىپ، ئىناۋەتلىك قەرز بېرىش تەرتىپى ئەلالاشتۇرۇلۇپ، ھۆكۈمەت، پۇل مۇئامىلە ئاپپاراتلىرى بىلەن قار-مۇز كارخانىلىرىنىڭ ئالاقىلىشىشى، ھەمكارلىشىشىنى كۈچەيتىپ، ئۇچۇردىن تەڭ پايدىلىنىش مېخانىزمى بەرپا قىلىنىدۇ. مەبلەغ يۈرۈشتۈرۈش يوللىرى يەنىمۇ كېڭەيتىلىپ، شەرتكە ئۇيغۇن كېلىدىغان قار-مۇز كارخانىلىرىنىڭ پېيىنى بازارغا سېلىشى ۋە قايتا مەبلەغ يۈرۈشتۈرۈشى، زايوم تارقىتىشى، مۈلۈكنى ئاكسىيەلەشتۈرۈشىگە مەدەت بېرىلىدۇ. قار-مۇز سۇغۇرتا مەھسۇلاتلىرى كېڭەيتىلىپ، سۇغۇرتا تۆلىمى ۋە قۇتقۇزۇش-ياردەم بېرىش مۇلازىمىتى مۇكەممەللەشتۈرۈلىدۇ.
«ئانار بۇلۇت»تىن ئېلىپ تەرجىمە قىلىندى
