مەنبە: ئانار بۇلۇت\شىنجاڭ گېزىتى ئۇنىۋېرسال خەۋىرى
بۇ ھەپتىدە، ئۈرۈمچىدە ئاساسەن ھاۋا ئوچۇق ياكى بۇلۇتلۇق بولىدۇ، ئەڭ يۇقىرى تېمپېراتۇرا ℃4-~8-، ئەڭ تۆۋەن تېمپېراتۇرا ℃9-~15- بولىدۇ. مۆلچەرلىنىشىچە، چارشەنبە كېچىدىن پەيشەنبە كۈندۈزگىچە ئوتتۇراھال ياكى قاتتىق قار ياغىدىكەن، ھەرقايسى رايون، ناھىيەلەردە تېمپېراتۇرا ℃8-5 تۆۋەنلەيدىكەن.
ئۈرۈمچى شەھەرلىك مېتېئورولوگىيە ئىستانسىسىنىڭ مۆلچەرلىشىچە، 1-ئاينىڭ 7-كۈنى كېچىدىن 8-كۈنى كۈندۈزگىچە، ئۈرۈمچى شەھىرىنىڭ جەنۇبىي شەھەر ئەتراپى، نەنسەن تاغلىق رايونى ۋە داۋانچىڭ تاغلىق رايونىدا ئازراق قار ياغىدىكەن.
مەملىكەت بويىچە ھۆل-يېغىن مىقدارىدىن ئالدىن مەلۇمات بېرىش خەرىتىسى.
سۈرەت\مەركىزىي مېتېئورولوگىيە ئىستانسىسى
1-ئاينىڭ 8-كۈنى كېچىدىن 9-كۈنى كۈندۈزگىچە، ئۈرۈمچى شەھىرىنىڭ كۆپ قىسىم رايونلىرىدا ئوتتۇراھال ياكى قاتتىق قار يېغىپ، 5-4 بال غەربىي شىمال شامىلى چىقىدىكەن، داۋانچىڭ رايونىدا ئازراق قار يېغىپ، سەككىز بال ئەتراپىدا ئۆتكۈنچى قىيپاش غەرب شامىلى چىقىدىكەن، قىسمەن جايلاردا قار-شىۋىرغان بولىدىكەن. بۇنىڭ ئىچىدە، شەھەر رايونىدا قاتتىق قار، تاغلىق رايونلاردا ئوتتۇراھال ياكى قاتتىق قار، قىسمەن جايلاردا قېلىن قار (جەمئىي قار يېغىش مىقدارى 15~9 مىللىمېتىر) ياغىدۇ، يېڭىدىن قوشۇلغان يىغىندى قار 18~12 سانتىمېتىر بولىدىكەن.
بۇ قېتىمقى قارلىق ھاۋارايى جەريانىدا، ئۈرۈمچىدىكى ھەرقايسى رايون، ناھىيەلەردە تېمپېراتۇرا ℃8-5 سېلسىيە گىرادۇس تۆۋەنلەيدىكەن، ئەڭ تۆۋەن تېمپېراتۇرا 1-ئاينىڭ 10-كۈنى ئەتىگەندە كۆرۈلىدىكەن. مەركىزىي مېتېئورولوگىيە ئىستانسىسى، شىنجاڭ مېتېئورولوگىيە ئىستانسىسىنىڭ ئەڭ يېڭى ئالدىن مەلۇمات بېرىش سانلىق مەلۇماتىغا ئاساسلانغاندا، شەھەر رايونىدا ئەڭ تۆۋەن تېمپېراتۇرا ℃15-قا چۈشىدىكەن، تاغلىق رايونلاردا ℃18-~24-قا چۈشىدىكەن.
ھەپتە ئاخىرىغا بارغاندا، ئۈرۈمچىنىڭ قىسمەن رايونلىرى يەنە شەرقىي جەنۇب شامىلىنى كۈتۈۋالىدىكەن. مۆلچەرلىنىشىچە، 1-ئاينىڭ 11-كۈنى كۈندۈزى، شەھەرنىڭ جەنۇبىدىكى قىسمەن رايونلاردا، جەنۇبىي شەھەر ئەتراپىدىن سەيۋوپۇغىچە، شىسەندىن باگاڭغىچە بولغان جايلاردا 5-4 بال شەرقىي جەنۇب شامىلى چىقىدىكەن، ئۇلانبايدىن خۇڭيەنچىگىچە بولغان جايلاردا يەتتە بال ئەتراپىدا ئۆتكۈنچى شامال چىقىدىكەن. 1-ئاينىڭ 12-كۈنى، شەرقىي جەنۇب شامىلىنىڭ تەسىرىدە، تېمپېراتۇرا ئازراق ئۆرلەيدىكەن.
ئۇنىۋېرسال مەنبە: ئۈرۈمچى كەچلىك گېزىتى، مەركىزىي مېتېئورولوگىيە ئىستانسىسى، شىنجاڭ مېتېئورولوگىيە ئىستانسىسى ۋىيشىن ئاممىۋى سۇپىسى
«ئانار بۇلۇت»تىن ئېلىپ تەرجىمە قىلىندى
