شىنخۇا ئاگېنتلىقى، بېيجىڭ، 12 - ئاينىڭ 3 - كۈنى تېلېگراممىسى 12 - ئاينىڭ 3 - كۈنى، دۆلەت رەئىسى شى جىنپىڭ 2024 - يىللىق دۇنيا ئەنئەنىۋى تېبابەت - دورىگەرلىك يىغىنىغا تەبرىك خېتى ئەۋەتتى.
شى جىنپىڭ مۇنداق كۆرسەتتى: ئەنئەنىۋى تېبابەت - دورىگەرلىك ئىنسانىيەت مەدەنىيلىكى ياراتقان نەتىجە بولۇپ، ئەۋلادمۇئەۋلاد قوغداش، جەۋھىرىگە ۋارىسلىق قىلىشقا ئېھتىياجلىق، شۇنداقلا دەۋر بىلەن تەڭ ئىلگىرىلەپ، توغرىلىرىنى ساقلاپ يېڭىلىق يارىتىشقا ئېھتىياجلىق. جۇڭيى تېبابەت - دورىگەرلىكى ئەنئەنىۋى تېبابەت - دورىگەرلىكىنىڭ كۆزگە كۆرۈنگەن ۋەكىلى بولۇپ، جۇڭخۇا مەدەنىيلىكىنىڭ گۆھىرى. جۇڭگو باشتىن - ئاخىر زامانىۋى تېبابەت - دورىگەرلىك بىلەن ئەنئەنىۋى تېبابەت - دورىگەرلىكنى تەرەققىي قىلدۇرۇشقا تەڭ ئەھمىيەت بېرىشتە چىڭ تۇرۇپ، جۇڭيى تېبابىتى - دورىگەرلىكى بىلەن غەرب تېبابىتى - دورىگەرلىكىنىڭ ئەۋزەللىكلەر ئارقىلىق ئۆزئارا تولۇقلىشىغا، ماس تەرەققىي قىلىشىغا تۈرتكە بولۇپ، جۇڭيې تېبابىتى - دورىگەرلىكىنى زامانىۋىلاشتۇرۇش، كەسىپلەشتۈرۈشنى ئالغا سىلجىتىپ، ئۆزگىچە خاسلىققا ئىگە ئەنئەنىۋى تېبابەت - دورىگەرلىك تەرەققىيات يولىنى ئاچتى.
شى جىنپىڭ مۇنداق تەكىتلىدى: دۇنيانىڭ تەرەققىياتى ۋە گۈللىنىشى ھەرقايسى دۆلەتلەرنىڭ يەنىمۇ ئىلگىرىلىگەن ھالدا سەھىيە - ساغلاملىق ساھەسىدىكى ھەمكارلىقنى كۈچەيتىپ، قول تۇتۇشۇپ يەرشارىۋى سەھىيە خىرىسىغا تاقابىل تۇرۇپ، ئىنسانىيەت سەھىيە - ساغلاملىق ئورتاق گەۋدىسى بەرپا قىلىشقا تۈرتكە بولۇشىغا ئېھتىياجلىق. جۇڭگو تەرەپ ھەرقايسى تەرەپلەر بىلەن بىللە، ئەنئەنىۋى تېبابەت - دورىگەرلىك جەھەتتە ئۆزئارا ئۆگىنىش، ئۆزئارا ئۆرنەك ئېلىشنى كۈچەيتىپ، ئەنئەنىۋى تېبابەت - دورىگەرلىكنىڭ يەرشارىۋى سەھىيە سىستېمىسىغا چوڭقۇر سىڭىشىشىگە تۈرتكە بولۇپ، ئەنئەنىۋى تېبابەت - دورىگەرلىك مەدەنىيىتىنى ئىجادىي ئايلاندۇرۇش، يېڭىلىق يارىتىش خاراكتېرلىك تەرەققىي قىلدۇرۇشنى ئىلگىرى سۈرۈپ، ئەنئەنىۋى تېبابەت - دورىگەرلىك ئارقىلىق ھەرقايسى دۆلەت خەلقىگە تېخىمۇ ياخشى بەخت يارىتىشنى خالايدۇ.
2024 - يىللىق دۇنيا ئەنئەنىۋى تېبابەت - دورىگەرلىك يىغىنى شۇ كۈنى بېيجىڭدا ئېچىلدى، باش تېمىسى: «كۆپ خىللىق، ۋارىسلىق قىلىش، يېڭىلىق يارىتىش: ئەنئەنىۋى تېبابەت - دورىگەرلىك ئارقىلىق دۇنياغا بەخت يارىتىش» بولۇپ، بېيجىڭ شەھەرلىك خەلق ھۆكۈمىتى، دۆلەت سەھىيە - ساغلاملىق كومىتېتى، دۆلەت جۇڭيى تېبابىتى - دورىگەرلىكىنى باشقۇرۇش ئىدارىسى ئورتاق مەسئۇل بولۇپ ئۆتكۈزگەن، دۇنيا سەھىيە تەشكىلاتى بىرلىشىپ ئۆتكۈزگەن.
