مۇخبىرنىڭ 12-ئاينىڭ 2-كۈنى مائارىپ مىنىستىرلىقىدىن ئىگىلىشىچە، مائارىپ مىنىستىرلىقى بەنگۇڭتىڭى يېقىندا ئۇقتۇرۇش بېسىپ تارقىتىپ، ئوتتۇرا-باشلانغۇچ مەكتەپلەردە سۈنئىي ئەقلىي ئىقتىدار مائارىپىنى يولغا قويۇش يوللىرى ئۈستىدە ئىزدىنىپ، ئوتتۇرا-باشلانغۇچ مەكتەپلەرنىڭ سۈنئىي ئەقلىي ئىقتىدار مائارىپىنى كۈچەيتىدىكەن.
ئۇقتۇرۇشتا مۇنۇلار ئايدىڭلاشتۇرۇلدى: سىستېمىلاشقان دەرس سىستېمىسى بەرپا قىلىپ، دائىملىق ئوقۇتۇش ۋە باھالاشنى يولغا قويۇش كېرەك. ئالاقىدار دەرسلىكلەردىكى سۈنئىي ئەقلىي ئىقتىدار مائارىپىنىڭ تەلىپىنى يەنىمۇ مۇكەممەللەشتۈرۈش، باشلانغۇچ مەكتەپلەرنىڭ تۆۋەن يىللىق باسقۇچىدا سۈنئىي ئەقلىي ئىقتىدار تېخنىكىسىنى ھېس قىلىشقا ئەھمىيەت بېرىش، باشلانغۇچ مەكتەپلەرنىڭ يۇقىرى يىللىق باسقۇچى ۋە تولۇقسىز ئوتتۇرا مەكتەپ باسقۇچىدا سۈنئىي ئەقلىي ئىقتىدار تېخنىكىسىنى چۈشىنىش ۋە قوللىنىشقا ئەھمىيەت بېرىش، تولۇق ئوتتۇرا مەكتەپ باسقۇچىدا تۈر ئىجادىيىتى ۋە ئالدىنقى قاتاردا تۇرىدىغان قوللىنىشقا ئەھمىيەت بېرىش كېرەك. ھەرقايسى جايلار، ھەرقايسى مەكتەپلەرنىڭ سۈنئىي ئەقلىي ئىقتىدار مائارىپىنى دەرستىن كېيىنكى مۇلازىمەت تۈرى ۋە تەتقىقات-ئۆگىنىش ئەمەلىيىتىگە كىرگۈزۈشىگە ئىلھام بېرىپ، ئىشلەپچىقىرىش-ئوقۇتۇش-تەتقىقات-قوللىنىشنى بىرلەشتۈرۈشكە تۈرتكە بولۇپ، بىر تۈركۈم سۈنئىي ئەقلىي ئىقتىدار مائارىپىدا ئۆگىنىش تۈرىدىكى دەرس ۋە ئوقۇتۇش مىساللىرى تەتقىق قىلىپ ئېچىپ، ئوقۇتۇشقا مەدەت بېرىشى كېرەك.
ئۇقتۇرۇشتا مۇنداق ئوتتۇرىغا قويۇلدى: دۆلەتنىڭ ئوتتۇرا-باشلانغۇچ مەكتەپ ئاقىل مائارىپ سۇپىسىدا ئوتتۇرا-باشلانغۇچ مەكتەپلەرنىڭ سۈنئىي ئەقلىي ئىقتىدار مائارىپى سەھىپىسى تەسىس قىلىنىپ، ئەلا سۈپەتلىك مائارىپ بايلىقى كەڭ دائىرىدە توپلىنىپ، ئەلا سۈپەتلىك بايلىقنى ئورتاق قۇرۇش ۋە ئۇنىڭدىن ئورتاق بەھرىلىنىش ئىشقا ئاشۇرۇلىدۇ. ئوتتۇرا-باشلانغۇچ مەكتەپلەرنىڭ سۈنئىي ئەقلىي ئىقتىدار مائارىپ بازىسى تۈركۈمگە بۆلۈپ تەسىس قىلىنىپ، ئالىي مەكتەپ، پەن تەتقىقات يۇرتى-ئورۇنلىرى ۋە يۇقىرى پەن-تېخنىكا كارخانىلىرىنىڭ سۈنئىي ئەقلىي ئىقتىدار تەجرىبىخانىسى، كۆرگەزمە زالى قاتارلىق مەيدان-سارايلارنىڭ ئوتتۇرا-باشلانغۇچ مەكتەپلەرگە ئېچىۋېتىلىشىگە تۈرتكە بولۇنۇپ، ئوتتۇرا-باشلانغۇچ مەكتەپ ئوقۇغۇچىلىرىغا ماس كېلىدىغان سۈنئىي ئەقلىي ئىقتىدار مائارىپ بايلىقى ئېچىلىدۇ. ( مۇخبىر شى يۈسېن )
«تىيانشان تورى»دىن ئېلىپ تەرجىمە قىلىندى
