مۇخبىرنىڭ 11-ئاينىڭ 30-كۈنى سانائەت ۋە ئۇچۇرلاشتۇرۇش مىنىستىرلىقىدىن ئىگىلىشىچە، 1-ئايدىن 10-ئايغىچە، دۆلىتىمىزنىڭ ئېلېكتىرونلۇق ئۇچۇرغا دائىر ياسىمىچىلىق كەسپىدە ئىشلەپچىقىرىشنىڭ ئېشىش سۈرئىتى بىرقەدەر تېز بولۇپ، ئېكسپورت جەھەتتە ئېشىش ھالىتى ساقلانغان، ئۈنۈمى مۇقىم ياخشىلانغان، كەسىپلەرنىڭ ئومۇمىي تەرەققىيات ۋەزىيىتى ياخشى بولغان. 1-ئايدىن 10-ئايغىچە، كۆلەمدىن يۇقىرى ئېلېكتىرونلۇق ئۇچۇرغا دائىر ياسىمىچىلىق كەسپىنىڭ قوشۇلما قىممىتى بۇلتۇرقى ئوخشاش مەزگىلدىكىدىن %12.6 ئېشىپ، ئېشىش سۈرئىتى ئايرىم-ئايرىم ھالدا ئوخشاش مەزگىلدىكى سانائەت، يۇقىرى تېخنىكىلىق ياسىمىچىلىق كەسپىدىن 6.8 ۋە 3.5 پىرسەنت پوئېنت يۇقىرى بولغان.
تىلغا ئېلىشقا ئەرزىيدىغىنى شۇكى، 1-ئايدىن 10-ئايغىچە، ساھەدىكى ئاساسلىق مەھسۇلاتلار ئىچىدە، يان تېلېفون مەھسۇلات مىقدارى 1 مىليارد 339 مىليون بولۇپ، بۇلتۇرقى ئوخشاش مەزگىلدىكىدىن %9.5 ئاشقان، بۇنىڭ ئىچىدە، ئەقلىي ئىقتىدارلىق يان تېلېفون مەھسۇلات مىقدارى 990 مىليون بولۇپ، بۇلتۇرقى ئوخشاش مەزگىلدىكىدىن %10 ئاشقان. 1-ئايدىن 10-ئايغىچە، كۆلەمدىن يۇقىرى ئېلېكتىرونلۇق ئۇچۇر ياسىمىچىلىقىنىڭ ئىشقا ئاشۇرغان تىجارەت كىرىمى 12 تىرىليون 960 مىليارد يۈەن بولۇپ، بۇلتۇرقى ئوخشاش مەزگىلدىكىدىن %7.2 ئاشقان؛ ئىشقا ئاشۇرۇلغان پايدا ئومۇمىي سوممىسى 514 مىليارد 900 مىليون يۈەن بولۇپ، بۇلتۇرقى ئوخشاش مەزگىلدىكىدىن %8.4 ئاشقان.
شىنخۇا ئاگېنتلىقى ئابۇنىچىلار تېرمىنالىدىن ئېلىپ تەرجىمە قىلىندى
