ئانار بۇلۇت\شىنجاڭ گېزىتى خەۋىرى (مۇخبىر جوۋ پېڭ فوتوسى، خەۋىرى) يېقىندا، 2025—2024-يىللىق شىنجاڭ موتوسىكلىت مەيدان دالا بىرلەشمە مۇسابىقىسىدە، شىنجاڭ خاۋيۈەن فېيتيې راللى موتوسىكلىت ئەترىتىدىن كەلگەن ما جىڭياۋ 14 مىنۇت 7 سېكۇنت 32 دەقىقىلىق نەتىجە بىلەن مەيدان دالا مۇسابىقىسى ئۆسمۈرلەر گۇرۇپپىسىنىڭ چېمپىيونى بولدى.
ئۈرۈمچى شەھەرلىك 76-ئوتتۇرا مەكتەپنىڭ باشلانغۇچ بۆلۈمىدە ئوقۇۋاتقان ما جىڭياۋ بۇ يىل ئەمدىلا توققۇز ياشقا كىرگەن بولسىمۇ، لېكىن ئۇنىڭ مۇسابىقىدە نامايان قىلغان موتوسىكلىت مىنىش ئىقتىدارى ۋە تاقابىل تۇرۇش ئىقتىدارى، شۇنداقلا مۇسابىقىدىن كېيىنكى ئەركىن-ئازادە روھىي ھالىتى ئۇنىڭ يېشى بىلەن زور دەرىجىدە پەرقلىنەتتى.
ما جىڭياۋنىڭ موتوسىكلىت مەشىقىگە قاتناشقىنىغا تۆت يىلغا يېقىن ۋاقىت بولدى. ئاتا-ئانىسى ئۇ تۆت-بەش ياش ۋاقتىدىن باشلاپلا ئۇنى ۋاسكېتبول، پۇتبول، تەيچۈەنداۋ، جاز دۇمباق، گىتار قاتارلىق تۈرلۈك مەدەنىيەت-تەنتەربىيە تۈرلىرىگە قاتناشتۇرۇپ كەلگەن بولسىمۇ، لېكىن ئۇ موتوسىكلىتقا ئالاھىدە ئىشتىياق باغلىغان ھەمدە كەلگۈسىدە كەسپىي مۇسابىقە ماھىرى بولۇشقا ئىرادە باغلىغان.
يېقىنقى ئۈچ يىلدىن بۇيان، ما جىڭياۋ دۆلەت ئىچىدىكى كەسپىي مۇسابىقىلەردە ئالتە تۈردە چېمپىيون ۋە ئۈچ تۈردە 2-لىككە ئېرىشتى (ياشلار-ئۆسمۈرلەر گۇرۇپپىسى بويىچە). «مەن ئەنە شۇنداق شامالدەك تېز تۇيغۇنى ياخشى كۆرىمەن»، دېدى ما جىڭياۋ مۇكاپات لوڭقىسىنى قولىغا ئېلىپ خۇشال ھالدا.
11-ئاينىڭ 16-كۈنى، ما جىڭياۋ موتوسىكلىت ئەترىتىدىكى باشقا ماھىرلار بىلەن دالىدا مەشىق قىلماقتا.
11-ئاينىڭ 10-كۈنى، ما جىڭياۋ 2025—2024-يىللىق شىنجاڭ موتوسىكلىت مەيدان دالا بىرلەشمە مۇسابىقىسىدە موتوسىكلىت ھەيدەپ مۇسابىقە يولىدا كېتىۋاتماقتا.
11-ئاينىڭ 17-كۈنى، ما جىڭياۋ 2025—2024-يىللىق شىنجاڭ موتوسىكلىت مەيدان دالا بىرلەشمە مۇسابىقىسىنىڭ ئۆسمۈرلەر گۇرۇپپىسى بويىچە چېمپىيونلۇق مۇكاپات لوڭقىسىنى كۆرسەتمەكتە.
11-ئاينىڭ 10-كۈنى، ما جىڭياۋ 2025—2024-يىللىق شىنجاڭ موتوسىكلىت مەيدان دالا بىرلەشمە مۇسابىقىسىدە موتوسىكلىت ھەيدەپ مۇسابىقە يولىدا كېتىۋاتماقتا.
11-ئاينىڭ 17-كۈنى، ما جىڭياۋ ئۆيىدە ئىنگلىز تىلى ئۆگەنمەكتە.
11-ئاينىڭ 11-كۈنى، مۇسابىقە ئارىلىقىدا ما جىڭياۋ ئاپىسى بىلەن پەي توپ ئوينىماقتا.
11-ئاينىڭ 10-كۈنى، ما جىڭياۋ مۇسابىقە ئارىلىقىدا موتوسىكلىت ئەترىتىدىكىلەر بىلەن ئۆزىنىڭ مۇسابىقە موتوسىكلىتىنى تەڭشەپ سىنىماقتا.
11-ئاينىڭ 10-كۈنى، مۇسابىقىدىن بۇرۇن، ما جىڭياۋنىڭ ئاپىسى ما جىڭياۋنى رىغبەتلەندۈرمەكتە.
«ئانار بۇلۇت»تىن ئېلىپ تەرجىمە قىلىندى
