مۇخبىرنىڭ جۇڭگو دۆلەت تۆمۈريول گۇرۇھى چەكلىك شىركىتى (تۆۋەندە دۆلەت تۆمۈريول گۇرۇھى دېيىلىدۇ)دىن ئىگىلىشىچە، بۇ يىل 1-ئايدىن 10-ئايغىچە، مەملىكەت بويىچە تۆمۈريولدا توشۇلغان يولۇچى 3 مىليارد 710 مىليون ئادەم قېتىمغا يېتىپ، بۇلتۇرقى ئوخشاش مەزگىلدىكىدىن ％ 13 ئېشىپ، يەنە تارىختىكى ئوخشاش مەزگىلدىكى يېڭى يۇقىرى سەۋىيە يارىتىلغان، مەملىكەت بويىچە تۆمۈريول تىرانسپورتى بىخەتەر، مۇقىم، تەرتىپلىك بولغان.
دۆلەت تۆمۈريول گۇرۇھى يولۇچى توشۇش بۆلۈمىنىڭ مەسئۇلى مۇنداق تونۇشتۇردى: پۈتۈن مەملىكەتتىكى تۆمۈريوللاردا كۈنىگە ئوتتۇرا ھېساب بىلەن 10 مىڭ 555 يولۇچىلار پويىزى ئورۇنلاشتۇرۇلغان بولۇپ، بۇلتۇرقى ئوخشاش مەزگىلدىكىدىن ％9.3 ئاشتى. 10-ئاينىڭ 1-كۈنى مەملىكەت بويىچە تۆمۈريولدا 21 مىليون 448 مىڭ ئادەم قېتىم يولۇچى توشۇلۇپ، يەككە كۈنلۈك يولۇچى توشۇش مىقدارىدا تارىختىكى يېڭى يۇقىرى سەۋىيە يارىتىلدى. 1-ئايدىن 10-ئايغىچە 1599 ساياھەت پويىزى قاتناپ، ساياھەت ئىقتىسادى، ياشانغانلار ئىقتىسادىنىڭ تەرەققىياتىغا كۈچ قوشتى. گۇاڭجوۋ-شېنجېن-شياڭگاڭ يۇقىرى سۈرئەتلىك تۆمۈريولىدا توشۇلغان چېگرا ھالقىغان يولۇچى 22 مىليون 500 مىڭ ئادەم قېتىمغا يېقىن بولۇپ، بۇلتۇرقى ئوخشاش مەزگىلدىكىدىن % 39.5 ئاشتى، جۇڭگو-لائوس تۆمۈريولىدا توشۇلغان چېگرا ھالقىغان يولۇچى 217 مىڭ ئادەم قېتىمغا يەتتى.
«ئانار بۇلۇت»تىن ئېلىپ تەرجىمە قىلىندى
