ئانار بۇلۇت\شىنجاڭ گېزىتى ئۇنىۋېرسال خەۋىرى
بۇ كۈنلەردە، شىنجاڭدىكى ئەڭ قاينام-تاشقىنلىققا چۆمگەن تەنتەربىيە مۇسابىقىلىرىنىڭ بىرى بولغان 2024-يىللىق «ئاتۇش لوڭقىسى» شىنجاڭ پۇتبول تەكلىپ مۇسابىقىسى ئاتۇش شەھىرىدە قىزغىن كەيپىيات ئىچىدە ئېلىپ بېرىلماقتا.
مۇسابىقە كىشىلەرگە شىنجاڭلىقلارنىڭ پۇتبولغا بولغان قىزغىنلىقىنى نامايان قىلدى، شۇنداقلا شىنجاڭ سىرتىدىكى دوستلارنى ئاتۇشقا كېلىپ مۇسابىقە كۆرۈشكە جەلپ قىلدى، بۇنىڭ ئىچىدە سىن كۆرۈنۈشىدىكى شېنجېندىن ئالايىتەن مۇسابىقە كۆرگىلى كەلگەن بۇ پۇتبول مەستانىسىمۇ بار. تاماشىبىنلار كۆرۈش سۇپىسىدا مۇسابىقە كۆرۈۋاتقان ئۇ ھاياجانلانغان ھالدا مۇنداق دېدى: «مەن شىنجاڭنىڭ پۇتبول كەيپىياتىنىڭ بۇنداق ياخشى ئىكەنلىكىنى ئويلاپ باقماپتىمەن». ئۇ يەنە مۇنداق دېدى: «جۇڭگو پۇتبولچىلىقىدا شىنجاڭغا قاراش دېگەن گەپ خاتا ئەمەس ئىكەن».
نۇرغۇن تورداش بۇ توپ مەستانىسىنى ئالقىشلىدى، نۇرغۇن تورداش يەنە «گۈزەل شىنجاڭ سىزنى قارشى ئالىدۇ» دېدى.
«ئاتۇش لوڭقىسى» شىنجاڭ پۇتبول تەكلىپ مۇسابىقىسى 11-ئاينىڭ 5-كۈنى باشلانغان بولۇپ، جەمئىي 12 كۈن ئۆتكۈزۈلىدۇ، شىنجاڭنىڭ ھەرقايسى جايلىرىدىن كەلگەن 12 پۇتبول كوماندىسى مۇسابىقىگە قاتنىشىدۇ. تېخىمۇ كۆپ توپ مەستانىلىرىنىڭ ئاتۇشقا كېلىپ قىزغىن پۇتبول كەيپىياتىنى ھېس قىلىشىنى قارشى ئالىمىز. (سىن مەنبەسى: 阿克陶发布)
«ئانار بۇلۇت»تىن ئېلىپ تەرجىمە قىلىندى
