11-ئاينىڭ 12-كۈنى، 2024-يىللىق جۇڭگو − ئوتتۇرا ئاسىيادىكى بەش دۆلەتنىڭ چېلىشىش ماھىرلىرى مۇسابىقىسىدە، دۆربىلجىنلىك يىگىت كابيران ئەبۇشايمان ئەرلەرنىڭ ئەركىن چېلىشىش تۈرىنىڭ 97 كىلوگراملىقلار تۈرىدە چېمپىيون بولدى.
11-ئاينىڭ 11-كۈنى، جۇڭگو − ئوتتۇرا ئاسىيادىكى بەش دۆلەت چېلىشىش ماھىرلىرى مۇسابىقىسى شىئەندە ئۆتكۈزۈلدى. ئىگىلىنىشىچە، جۇڭگو − ئوتتۇرا ئاسىيادىكى بەش دۆلەت چېلىشىش ماھىرلىرى مۇسابىقىسىنى شەنشى ئۆلكىلىك تەنتەربىيە ئىدارىسى، دۆلەت تەنتەربىيە باش ئىدارىسى ئېغىرلىق كۆتۈرۈش، چېلىشىش، رۇداۋچە چېلىشىش تەنھەرىكىتىنى باشقۇرۇش مەركىزى، جۇڭگو چېلىشىش جەمئىيىتى بىرلىكتە ئۆتكۈزگەن. بۇ قېتىمقى مۇسابىقىگە جۇڭگو، ئوتتۇرا ئاسىيادىكى بەش دۆلەت ۋە كورېيە، موڭغۇلىيە، ئەزەربەيجان قاتارلىق دۆلەتلەرنىڭ يۇقىرى دەرىجىلىك چېلىشىش ماھىرلىرى تەكلىپ قىلىنغان، مۇسابىقىدە ئەرلەرنىڭ ئەركىن چېلىشىش، ئاياللارنىڭ ئەركىن چېلىشىش، قەدىمچە چېلىشىشتىن ئىبارەت ئۈچ تارماق تۈر تەسىس قىلىنغان بولۇپ، مۇسابىقە ئۈچ كۈن داۋاملىشىدىكەن.
«ئانار بۇلۇت»تىن ئېلىپ تەرجىمە قىلىندى
