توققۇز ياشلىق مۇسابىقە موتوسىكلىتى ماھىرى ما جىڭياۋ ئايدىڭكۆلنى ئايلىنىش موتوسىكلىت راللى مۇسابىقىسىگە قاتنىشىپ، باتۇرلۇق بىلەن مەيدان دالا مۇسابىقىسىدە ئۆسمۈرلەر گۇرۇپپىسى بويىچە بىرىنچى بولدى

　　 مەنبە: ئانار بۇلۇت\شىنجاڭ گېزىتى ئەسلىي ئىجادىيىتى

　　 11-ئاينىڭ 10-كۈنى، 2024 شىنجاڭ · تۇرپان 13-نۆۋەتلىك ئايدىڭكۆلنى ئايلىنىش موتوسىكلىت راللى مۇسابىقىسىنىڭ مەيدان دالا مۇسابىقىسى ئايدىڭكۆل مەنزىرە رايونىدا ئۆتكۈزۈلدى، بىر چۈشتىن كېيىن كەسكىن مۇسابىقىلىشىش ئارقىلىق، شىنجاڭ خاۋيۈەن فېيتيې راللى موتوسىكلىت ئەترىتىدىكى توققۇز ياشلىق ما جىڭياۋ 14 مىنۇت 7 سېكۇنت 32 دەقىقىلىك نەتىجە بىلەن ئۆسمۈرلەر گۇرۇپپىسى بويىچە چېمپىيون بولدى.

　　ما جىڭياۋنىڭ ئاپىسى سۇڭ زىۋېي مۇخبىرغا مۇنداق دېدى: بالام بەش يېرىم ياشتىن باشلاپ موتوسىكلىت مىنىشكە باشلىغان، ھازىر تۆت يىل بولدى، بۇ مەزگىلدە دۆلەت ئىچىدىكى نۇرغۇن بالىلار موتوسىكلىت مۇسابىقىلىرىگە قاتنىشىپ، خېلى ياخشى نەتىجىلەرنى قولغا كەلتۈردى. 2024-يىلى 1-ئايدا تاشيول مۇسابىقىسى ماھىرىدىن دالا مۇسابىقىسى ماھىرىغا ئالماشتى، بۇ قېتىمقى مەيدان دالا مۇسابىقىسىدە چېمپىيون بولۇش بالامنىڭ دالا مۇسابىقىسىدە 3-قېتىم چېمپىيون بولۇشى ھېسابلىنىدۇ. «ئۇ موتسىكلىت مىنگەن بۇ بىر نەچچە يىلدا، بىزمۇ خېلى ئەندىشە قىلدۇق، لېكىن بالام ھەقىقەتەن بەك ياخشى كۆرىدۇ، بىزمۇ پۈتۈن كۈچىمىز بىلەن قوللايمىز» دېدى سۇڭ زىۋېي.

«ئانار بۇلۇت»تىن ئېلىپ تەرجىمە قىلىندى