يېزا ئىگىلىكى-يېزا مىنىستىرلىقىنىڭ يېزا ئىگىلىك ئەھۋالى ئورۇنلاشتۇرۇشىدا كۆرسىتىلىشىچە، نۆۋەتتە مەملىكەت بويىچە كۈزلۈك ئاشلىقنىڭ %54.8ى يىغىۋېلىنىپ، يېغىۋېلىنىش سۈرئىتى بۇلتۇرقى ئوخشاش مەزگىلدىكىدىن 1.7 پىرسەنت پوئېنت تېز بولغان. پۈتۈن مەملىكەتنىڭ كۆپ قىسىم رايونلىرى ھوسۇل يىغىش يۇقىرى پەللە مەزگىلىگە كىرگەن.
مۇخبىرنىڭ خېيلۇڭجياڭ ئۆلكىلىك يېزا ئىگىلىكى-يېزا نازارىتىدىن ئىگىلىشىچە، 10-ئاينىڭ 10-كۈنىگىچە، خېيلۇڭجياڭ ئۆلكىسىنىڭ دېھقانچىلىق زىرائەتلىرىنى يىغىۋېلىش كۆلىمى 100 مىليون مودىن ئاشقان، بۇنىڭ ئىچىدە، ئاشلىق زىرائىتىدىن 102 مىليون 19 مىڭ مو يىغىۋېلىنغان، ئىقتىسادىي زىرائەت ۋە يەم-خەشەكتىن 4 مىليون 807 مىڭ مو يىغىۋېلىنغان. كۈزلۈك يىغىم خىزمىتى قانات يايدۇرۇلغاندىن بۇيان، خېيلۇڭجياڭدىكى ھەرقايسى جايلار ھاۋانىڭ ئوچۇق ۋاقتىنى چىڭ تۇتۇپ، ماشىنا-سايمانلارنىڭ كۈچىنى مۇۋاپىق تەڭشەپ تەقسىملەپ، يىغىۋېلىشقا تېگىشلىكلىرىنى تولۇق يىغىۋېلىش، ھوسۇلنى ئامبارغا تولۇق كىرگۈزۈشكە ھەقىقىي كاپالەتلىك قىلغان.
مەركىزىي تېلېۋىزىيە ئىستانىسىسى ئاخبارات تېرمىنالىدىن ئېلىپ تەرجىمە قىلىندى
