تيەنئەنمېن قاتارلىق جايلاردا بايراق يېرىم چۈشۈرۈلۈپ تەزىيە بىلدۈرۈلىدۇ
شىنخۇا ئاگېنتلىقى، بېيجىڭ، 10 - ئاينىڭ 12 - كۈنى تېلېگراممىسى جۇڭگو كوممۇنىستىك پارتىيەسىنىڭ مۇنەۋۋەر پارتىيە ئەزاسى، ئۇزاق سىناقلاردىن ئۆتكەن سادىق كوممۇنىزم جەڭچىسى، كۆزگە كۆرۈنگەن پىرولېتارىيات ئىنقىلابچىسى، سىياسىيون، پارتىيە ۋە دۆلەتنىڭ مەشھۇر رەھبىرى، جۇڭگو كوممۇنىستىك پارتىيەسى 14 - نۆۋەتلىك مەركىزىي كومىتېتى سىياسىي بىيۇروسىنىڭ ئەزاسى، مەركىزىي كومىتېت شۇجىچۇسىنىڭ شۇجىسى، 15 - نۆۋەتلىك مەركىزىي كومىتېت سىياسىي بىيۇروسىنىڭ ئەزاسى، 16 - نۆۋەتلىك، 17 - نۆۋەتلىك مەركىزىي كومىتېت سىياسىي بىيۇروسى دائىمىي كومىتېتىنىڭ ئەزاسى، گوۋۇيۈەننىڭ سابىق مۇئاۋىن زۇڭلىسى، 10 - نۆۋەتلىك، 11 - نۆۋەتلىك مەملىكەتلىك خەلق قۇرۇلتىيى دائىمىي كومىتېتىنىڭ باشلىقى يولداش ۋۇ باڭگونىڭ جەسىتى 10 - ئاينىڭ 14 - كۈنى بېيجىڭدا كۆيدۈرۈلىدۇ.
يولداش ۋۇ باڭگوغا تەزىيە بىلدۈرۈش ئۈچۈن، 10 - ئاينىڭ 14 - كۈنى، پايتەختتىكى تيەنئەنمېن، شىنخۇامېن، خەلق سارىيى، دىپلوماتىيە مىنىستىرلىقى، ھەرقايسى ئۆلكىلىك، ئاپتونوم رايونلۇق، بىۋاسىتە قاراشلىق شەھەرلىك پارتىيە كومىتېتى ۋە ھۆكۈمەت تۇرۇشلۇق جايلار، شياڭگاڭ ئالاھىدە مەمۇرىي رايونى، ئاۋمېن ئالاھىدە مەمۇرىي رايونى، ھەرقايسى چېگرا پورتلىرى، سىرتقا ئېچىۋېتىلگەن دېڭىز ۋە ھاۋا پورتلىرى، جۇڭگونىڭ چەت ئەلدىكى ئەلچىخانا - كونسۇلخانىلىرىدا بايراق يېرىم چۈشۈرۈلۈپ تەزىيە بىلدۈرۈلىدۇ.
