ئانار بۇلۇت \ شىنجاڭ گېزىتى ئەسلىي ئىجادىيىتى
ئانار بۇلۇت \ شىنجاڭ گېزىتى خەۋىرى (مۇخبىر فەن چيۇڭيەن) پەيزاۋات شىنمېيسى پۈتۈن مەملىكەتتىكى ئىستېمالچىلارنىڭ ياقتۇرۇشىغا ئېرىشتى، پەيزاۋات شىنمېيسىنى تېز يەتكۈزۈش مىقدارى 10 مىڭ توننىدىن ئاشتى. 9- ئاينىڭ 18- كۈنى، مۇخبىرنىڭ قەشقەر ۋىلايەتلىك پوچتا باشقۇرۇش ئىدارىسىدىن ئىگىلىشىچە، بۇ يىل 7- ئاينىڭ 15- كۈنىدىن 9- ئاينىڭ 17- كۈنىگىچە، پەيزاۋات شىنمېيسىنى پوچتا تېز يەتكۈزۈش يولى ئارقىلىق توشۇش مىقدارى 7 مىليون 510 مىڭ يەشىكتىن، 11 مىڭ 265 توننىدىن ئېشىپ، يېزا ئىگىلىك ئىشلەپچىقىرىش قىممىتىنىڭ 425 مىليون يۈەنگە يېتىشىگە تۈرتكە بولغان، بۇلتۇرقى بىلەن سېلىشتۇرغاندا، توشۇش مىقدارى %87.75تىن ئاشقان.
جىڭدۇڭ تېز يەتكۈزگۈچىلىرى يۆجيا شىنمېي زامانىۋى سانائەت باغچە رايونىدا شىنمېي توشۇماقتا. شۈ چياڭ فوتوسى
پەيزاۋات شىنمېيسى شۇ جاينىڭ جۇغراپىيەلىك بەلگە خاراكتېرلىك يېزا ئىگىلىك مەھسۇلاتى بولۇش سۈپىتى بىلەن، 2024- يىلى تېرىلغۇ كۆلىمى 570 مىڭ موغا كېڭەيتىلدى، بۇنىڭ ئىچىدە مېۋىگە كىرگەن كۆلەم 410 مىڭ موغا يەتتى. ئالاھىدە تىلغا ئېلىشقا ئەرزىيدىغىنى شۇكى، پەيزاۋات ناھىيەسى جۇڭگودىكى ئەڭ چوڭ شىنمېي ئىشلەپچىقىرىش- سېتىش بازىسىغا ئايلاندى، پۈتۈن مەملىكەت بازىرىدىكى ھەر بەش تال شىنمېينىڭ ئۈچى پەيزاۋاتتىن چىقىدىغان بولدى.
