بۇ يىل جۇڭچيۇ كاتتا بايرىمىدا
يەنە يەر يۈزىدە تۇرۇپلا ئاي تاماشاسى قىلىپ يۈرمەڭ
ھەرقايسى چوڭ ئاۋىياتسىيە شىركەتلىرى «ئاي تاماشاسى نۆۋەتچى ئايروپىلانى»نى يولغا قويۇپ
شىنجاڭنىڭ 10 مىڭ مېتىر ئېگىزلىكتىكى يۇقىرى بوشلۇقىدا
تولۇن ئاينى يېقىن ئارىلىقتىن باغاشلاش پۇرسىتى ھازىرلاپ بەردى
خاڭلۈ زۇڭخېڭ چوڭ سانلىق مەلۇمات سۇپىسىدا كۆرسىتىلىشىچە
بۇ يىل جۇڭچيۇ بايرىمىلىق دەم ئېلىش مەزگىلىدىكى ئاي تاماشاسى مەزگىلى ئىچىدە
دۆلەت ئىچى ئاۋىياتسىيە لىنىيەسىدە
ئۇچۇش ۋەزىپىسىنى ئىجرا قىلىدىغان نۆۋەتچى ئايروپىلان 8300 قېتىمغا يېتىدىكەن
ئاي تاماشاسى نۆۋەتچى ئايروپىلانى دېگەن نېمە؟
«ئاي تاماشاسى نۆۋەتچى ئايروپىلانى» جۇڭچيۇ بايرىمى مەزگىلىدە
يولغا چىقىش ۋاقتى سائەت 18:00دىن 24:00كىچە بولغان ئارىلىقتىكى نۆۋەتچى ئايروپىلاننى كۆرسىتىدۇ
بۇ ۋاقىتتا
ئايروپىلاندىكى يولۇچىلار ئايروپىلان دېرىزىسى ئارقىلىق
يېقىن ئارىلىقتىن ئاينى تاماشا قىلالايدۇ
خەلق ئاۋىياتسىيەسى يولۇچىلار ئايروپىلانى ستراتوسفېرا قاتلىمىدا ئۇچقاچقا
بۇ ئېگىزلىكتە ھاۋادىكى دانچە ماددىلار ۋە بۇلۇت قاتلىمى ئاز بولغانلىقتىن
كۆرۈش دەرىجىسى يۇقىرى بولىدۇ
ئادەتتىكى ئەھۋالدا يامغۇر، تۇمان قاتارلىق ھاۋارايىنىڭ تەسىرىگە ئۇچرىمايدۇ
ئۇنىڭ ئۈستىگە 10 مىڭ مېتىر ئېگىزلىكتىكى يۇقىرى بوشلۇقتا چاڭ - توزان يوق
ئەتراپىدا توسىدىغان قالايمىقان نۇر ۋە ئىمارەتلەر بولمايدۇ
ئاينىڭ نۇرى تېخىمۇ كۈچلۈك، رەڭگى، شەكلى تېخىمۇ ھەقىقىي ھالەتتە كۆرۈنىدۇ
شىنجاڭدا ئاي تاماشاسى قىلىشتا تەۋسىيە قىلىنىدىغان نۆۋەتچى ئايروپىلانلار
خەينەن ئاۋىياتسىيەسىنىڭ تەۋسىيە قىلىنىدىغان ئاي تاماشاسى نۆۋەتچى ئايروپىلانى:
تيەنجىن - ئۈرۈمچى HU6276
غەربىي قىسىم ئاۋىياتسىيەسىنىڭ تەۋسىيە قىلىنىدىغان ئاي تاماشاسى نۆۋەتچى ئايروپىلانى:
ئاقسۇ - جېڭجۇ PN6352 ئوڭ تەرەپ يۆنىلىشىتىكى F ئورۇن
چۈنچىيۇ ئاۋىياتسىيەسىنىڭ تەۋسىيە قىلىنىدىغان ئاي تاماشاسى نۆۋەتچى ئايروپىلانى:
ئۈرۈمچى - شاڭخەي 9C8866دىكى F ئورۇن
ئۈرۈمچى ـ شاڭخەي 9C6928دىكى F ئورۇن
قەشقەر ـ لەنجوۋ 9C6790دىكى F ئورۇن
جەنۇب ئاۋىياتسىيەسىنىڭ تەۋسىيە قىلىنىدىغان ئاينى تاماشاسى نۆۋەتچى ئايروپىلانى:
ئۈرۈمچى - شاڭخەي CZ6997
چېڭدۇ ـ ئۈرۈمچى CZ6944
ئۈرۈمچى ـ ئالتاي CZ6845
ئاي تاماشاسى قىلىدىغان ئورۇننى قانداق تاللاش كېرەك؟
«ئاي تاماشاسى نۆۋەتچى ئايروپىلانى»دا ئەڭ ياخشى تاماشا قىلىش ئۈنۈمىگە يېتىشتە
ئورۇن تاللاشمۇ بەك مۇھىم
يولۇچىلار ئورۇن تاللاشتىن بۇرۇن
ئاي تاماشاسى قىلىشتىكى ئورۇن تاللاش تاكتىكىسىدىن پايدىلانسا بولىدۇ
يەنى 9 - ئاينىڭ 15 - كۈنىدىن 9 - ئاينىڭ 17 - كۈنىگىچە 19:00دىن 20:30 گىچە بولغان مەزگىلدە
جەنۇب-شىمال يۆنىلىش (F رەت)
شىمال-جەنۇب يۆنىلىش (A رەت)
20:30دىن 22:00گىچە بولغان ئارىلىقتا
شەرق- غەرب يۆنىلىش (A رەت)
غەرب-شەرق يۆنىلىش (F رەت)
ئاددىي قىلىپ ئېيتقاندا:
جەنۇبتىن شىمالغا قاراپ ئۇچقاندا، ئوڭ تەرەپ دېرىزە؛
شىمالدىن جەنۇبقا قاراپ ئۇچقاندا، سول تەرەپ دېرىزە؛
شەرقتىن غەربكە قاراپ ئۇچقاندا، سول تەرەپ دېرىزە؛
غەربتىن شەرققە قاراپ ئۇچقاندا، ئوڭ تەرەپ دېرىزە
ئاي تاماشاسى نۆۋەتچى ئايروپىلانى ئاۋىياتسىيە شىركىتى كۆڭۈل قويۇپ ئوتتۇرىغا قويغان
ئاسمان گۈمبىزىدىن ھالقىغان بىر مەيدان تولۇنئاي سەپىرى
بىز بىر مەھەل ئاي بىلەن يېقىن ئارىلىقتىن تاسادىپىي ئۇچرىشىپ
ئۇنتۇلغۇسىز ھەم رومانتىك جۇڭچيۇ بايرىمى كاتتا زىياپىتىگە بىرلىكتە قاتنىشايلى
«ئانار بۇلۇت»تىن ئېلىپ تەرجىمە قىلىندى
