ئورۇقلاشتا ماينى سېرىيدىغان تاماقنى ھەرگىز بۇنداق يېمەڭ، يېگەنسېرى سەمىرىپ كېتىشتىن ئېھتىيات قىلىڭ

رەسىم ئامبىرىدىكى نەشىر ھوقۇقىغا ئىگە سۈرەت، كۆچۈرۈپ ئىشلىتىش نەشىر ھوقۇقى ماجىراسى كەلتۈرۈپ چىقىرىشى مۇمكىن

   لېكىن روشەنكى، بۇنداق يېيىش قارىغۇلارچە ئېنېرگىيە يوچۇقى پەيدا قىلىشقا كىرىدۇ، بۇ ئىلمىي ئەمەس. شۇڭا ماينى سېرىيدىغان تاماق بىلەن ئورۇقلاش ئۈچۈن، ئۆزىگە ماس كېلىدىغان تاماق - كۆكتات مىقدارىنى تاللاپ، ياخشى ماسلاشتۇرغاندىلا ئاندىن ئۈنۈمى ياخشى بولىدۇ.

   ماينى سېرىش مەزگىلىدە، كاربون سۇ بىرىكمىلىرى، ئاقسىل، مايدىن ئىبارەت بۇ ئۈچ خىل ئوزۇقلۇق ماددىنىڭ قوبۇل قىلىنىش نىسبىتى ئادەتتە 2:1:1 بولىدۇ. يەنى قوبۇل قىلىش تەۋسىيە قىلىنغان ئومۇمىي ئىسسىقلىق مىقدارىنى ئاساس قىلغاندا، كاربون سۇ بىرىكمىلىرى ئومۇمىي ئىسسىقلىق مىقدارىنىڭ %55 ~ %50ىنى ئىگىلەيدۇ، ئاقسىل ئاز دېگەندە %25، ماي %25 ~ %20نى ئىگىلەيدۇ.

   يەنى، قوبۇل قىلىش تەۋسىيە قىلىنغان ئومۇمىي ئىسسىقلىق مىقدارىنى ئاساس قىلغاندا، كاربون سۇ بىرىكمىلىرى ئومۇمىي ئىسسىقلىق مىقدارىنىڭ %55 ~ %50ىنى ئىگىلەيدۇ، ئاقسىل ئاز دېگەندە %25، ماي %25 ~ %20نى ئىگىلەيدۇ.

   لېكىن، ماينى سېرىيدىغان تاماقلارنى ئوزۇقلۇق دوختۇرىنىڭ يېتەكچىلىكى ۋە باھالىشى ئاستىدا يېيىش كېرەك، ئۇزۇن مۇددەت ئورۇقلاشقا ئىشلىتىشنى تەۋسىيە قىلمايمىز.

ماينى سېرىيدىغان تاماقنى قانداق ماسلاشتۇرۇش كېرەك؟

__________________________________________________________________________________________________

   باھاسى يۇقىرى، ماينى سېرىيدىغان تاماق ئالدىدا، قانداق قىلغاندا ئىلمىي ھەم پۇل تېجەش ئالدىنقى شەرتى ئاستىدا ئۆزىگە ماسلىشىدىغان، ماينى سېرىيدىغان تاماقنى ياخشى ماسلاشتۇرغىلى بولىدۇ؟ ماينى سېرىش مەزگىلىدىكى بۇ ئۈچ ۋاق تاماق تەكلىپىنى ياخشى ساقلىۋېلىڭ.

   ناشتىلىق: پىلتە قۇيماق، مانتا، قىيمىلىق تاۋا نېنى قاتارلىق دائىملىق ناشتىلىقنى ساپ بۇغداي ئۇنى بولكىسى، سۈت، تۇخۇم ۋە چىڭسەي بىلەن ئالماشتۇرىمىز. بۇنداق بولغاندا، نۇرغۇن ماي، تۇز، سېمىز گۆش ۋە دورا - دەرمەكلەردىن ساقلانغىلى، يېمەكلىكلەرنىڭ ئوزۇقلۇق زىچلىقىنى زور دەرىجىدە تۆۋەنلەتكىلى بولىدۇ.

   چۈشلۈك تاماق: چۈشلۈك تاماقتا ماي ۋە تۇزنى كونتىرول قىلىش بىرقەدەر تەس، شۇڭا بەزى ئاساسىي پىرىنسىپلارنى ئىگىلەش كېرەك، مەسىلەن، مايدا پىشۇرۇش، قىزارتىپ پىشۇرۇشتىن ساقلىنىش قاتارلىق ئىسسىقلىق مىقدارىنى ئاسان ئاشۇرىدىغان تاماق ئېتىش ئۇسۇللىرى دېگەندەك. كۆكتاتلارنىڭ ئىسسىقلىق مىقدارى يۇقىرى ئەمەس، ئادەتتە 50 كىلوكالورىيەدىن ئېشىپ كەتمەيدۇ، ئەمما جياڭيۇغا چىلانغان چەيزە، چەيزە قورۇمىسى قاتارلىقلارنىڭ ئىسسىقلىق مىقدارى كۆكتاتلارغا قارىغاندا يۇقىرى بولىدۇ.

   . ئاساسلىق يېمەكلىكلەرگە كۆممىقوناق، زىشۇ، قارا ئاشلىق، ئېرمىفەن(گۈرۈچكە باشقا ئاشلىق قوشۇپ دۈملەنگەن مىفەن)، كاۋا، ياڭيۇ بوتقىسى، قارا گۈرۈچ تامىقى قاتارلىقلارنى تاللاشقا بولىدۇ؛

   . كۆكتات ۋە زەمبۇرۇغ تۈرىدىكىلەرگە تۇڭخاۋ، يوۋمەيسەي، پۇرچاق ئۈندۈرمىسى، چىڭسەي، شياۋيوۋسەي، شىلەنخۇا، سەيخۇا، شياڭگۇ، خەيشيەنگۇ، شىڭباۋگۇنى تاللاشقا بولىدۇ؛

   . ئاقسىلغا توخۇنىڭ كىچىك كۆكرىكى، كالا گۆشى، قوي گۆشى، راك، بېلىق قاتارلىقلارنى تاللاش كېرەك.

   كەچلىك تاماق: «جۇڭگو ئاھالىلىرىنىڭ غىزالىنىش كۆرسەتمىسى»گە ئاساسلانغاندا، ئاش تۇزىنىڭ قوبۇل قىلىنىش مىقدارى بەش گىرام، يېمەكلىك يېغىنىڭ 30 ~ 25 گىرام بولۇشى تەۋسىيە قىلىنىدۇ.

   كەچلىك تاماقتا يىرىك پىششىقلاپ ئىشلەنگەن ئاساسلىق يېمەكلىكلەرنى قوشۇپ، قارا ئاشلىقنىڭ قوبۇل قىلىنىشىنى مۇۋاپىق ئاشۇرۇش مىنېرال ماددىلار ۋە مىكرو ئېلېمېنتلارنى ھەقسىز تولۇقلىغانغا باراۋەر، ئۇنىڭ ئۈستىگە قارا ئاشلىق ئېلىپ كېلىدىغان تويۇنۇش تۇيغۇسى ئاق ئاشلىقنىڭكىدىن يۇقىرى بولىدۇ، ئۇنىڭغا ئىككى - ئۈچ تال راك، جىنجېنگۇ، قاتتىق پوستلۇق مېۋە، چىڭسەي ماسلاشتۇرۇلىدۇ.

رەسىم ئامبىرىدىكى نەشىر ھوقۇقىغا ئىگە سۈرەت، كۆچۈرۈپ ئىشلىتىش نەشىر ھوقۇقى ماجىراسى كەلتۈرۈپ چىقىرىشى مۇمكىن

   ئەلۋەتتە، ماينى سېرىش ئۈنۈمىنىڭ ياخشى بولۇشى، ئەسلىگە قايتىپ كېتىشنىڭ ئاستا بولۇشى ئۈچۈن، ماينى سېرىيدىغان تاماقنى يېيىشلا مۇۋەپپەقىيەت قازىنىشنىڭ بىردىنبىر يولى ئەمەس، يەنە بەزى «قوشۇمچە مەشغۇلات»لارنى ماسلاشتۇرغاندىلا، ئاز كۈچ بىلەن كۆپ ئىش قىلغىلى بولىدۇ.

   1. ئىلمىي سۇ ئىچىش

   ئىللىق ھاۋا شارائىتىدا، يېنىك جىسمانىي ھەرىكەت قىلىدىغان قۇرامىغا يەتكەن ئەرلەرنىڭ ھەر كۈنى 1700 مىللىلىتىر، ئاياللارنىڭ 1500 مىللىلىتىر سۇ ئىچىشىنى تەۋسىيە قىلىمىز. ئەگەر ھاۋا ئىسسىق بولسا ياكى ھەرىكەت مىقدارى كۆپ بولسا، سۇ ئىچىش مىقدارىنى مۇناسىپ ئاشۇرۇش كېرەك.

   2. ھەرىكەتنى ماسلاشتۇرۇش

   ئوكسىگېنلىق مەشىق ۋە كۈچ مەشىقىنى ماسلاشتۇرۇش كېرەك، نۇرغۇن ئورۇقلىغۇچىلار ئورۇقلاش ئويى بولسىلا ئەسەبىيلەرچە ئوكسىگېنلىق ھەرىكەت قىلىدۇ. شۇنىڭ بىلەن بىللە، ئېنېرگىيە يوچۇقى بەك چوڭ بولۇپ كەتسە تېرە بوشاپ كېتىدۇ، كۈچ مەشىقىنى ماسلاشتۇرغاندا بەدەننى چىڭىتىدۇ.

   3. بالدۇر ئۇخلاپ، ياخشى كەيپىياتنى ساقلاش

   كورتىزول(皮质醇) بېسىم ھورمۇنىغا تەۋە بولۇپ، ئۇنىڭ ئىقتىدارى بەدەننىڭ گلىكوگېن ئاقسىلى، ياغنى پارچىلىشىغا قوماندانلىق قىلىش، شۇنداقلا ئادەمنى چارچىتىدۇ، ئاندىن ئىشتىھانى ئاچىدۇ.

   كەيپىيات ناچار، بېسىم ئېغىر، ئۇيقۇ يېتەرلىك بولمىغاندا، كورتىزول ئېتىلىپ چىقىپ ماينى پارچىلاشنى توختىتىپ، بەدىنىمىزدىكى ئاقسىلنى، يەنى مۇسكۇللارنى پارچىلايدۇ، شۇڭا كەچتە زىيادە كۆپ يەپ-ئىچىش ئەھۋالى كۆرۈلۈپ، ئاز يەپ، كۆپ ھەرىكەت قىلىدىغان، ئەمما بەدەن ئېغىرلىقى مىدىرلىماي تۇرىدىغان ھالەت كېلىپ چىقىدۇ.

   ئومۇمىي جەھەتتىن قارىغاندا، ئەگەر ماينى سېرىيدىغان تاماقتا خاتا قاراشقا كىرىپ قالسا، ئۇنىڭغا قوشۇپ يەنە خاتا ئورۇقلاش قارىشىغا كىرىپ قالسا، ماينى سېرىش مەقسىتىگە يەتكىلى بولمايدۇ. بەل ئايلانمىسى، بەدەن ئېغىرلىقى ۋە بەدەندىكى ماي نىسبىتىگە دىققەت قىلىپ، قارىغۇلارچە تاماقنى ئازايتماسلىق ۋە ياكى قىسقا ۋاقىتلىق زىيادە كۆپ يەپ-ئىچىشتىن ساقلىنىش، ماينى سېرىيدىغان راھەت ھالەتنى تېپىپ چىقىپ، ساختا تەلەپچان ئادەم بولمىغاندىلا، ئاندىن ماينى سېرىش مەقسىتىگە يەتكىلى، شۇ ئارقىلىق ماينى سېرىپ، ئېغىرلىقنىڭ قايتا ئۆرلەپ كەتمەسلىكىنى ئىشقا ئاشۇرغىلى بولىدۇ.