ئەگەر مۇمكىن بولسا، ئاتۇشنىڭ باھارىغا چۆمۈلگەن بولاتتىم

ئەگەر ئاتۇشنىڭ باھارىنى تەسۋىرلەشكە توغرا كەلسە

باھارنىلا تەسۋىرلەش كۇپايە قىلمايدۇ 

پورەكلەپ ئېچىلغان ئۈمىد گۈللىرىنى

توختىماي ئۆتۈۋاتقان ۋاقىت

ئەمدىلا يورىغان تاڭنى، ئېرغاڭلاۋاتقان سۆگەت شاخلىرىنى

گۈللۈكتە ئۇچۇپ يۈرگەن ھەسەل ھەرىسى، كېپىنەكلەرنى 

گۈللەرنىڭ خۇش ھىدىنى 

يېشىل دالىدا ياڭرىغان بالىلارنىڭ خۇشال كۈلكە سادالىرىنى 

ئۇلارنىڭ غەم-ئەندىشىسىز ھالىتىنى سىزىش كېرەك 

ئارزۇنىڭ باشلىنىشىنى 

قايناق ياشلىقنى  

شەپەق نۇرىنى، بۇلبۇللارنىڭ سايراشلىرىنى، ئۇسسۇلغا چۈشكەن قارلىغاچلارنى 

تەرگە چۆمۈلگەن كىيىملەرنى 

ئوتتەك قىزغىنلىقنى

ئاشىق-مەشۇقلارنىڭ گىرەلىشىپ كەتكەن شولىسىنى 

سۈرەتتىكىدەك شېرىن دەقىقىلەرنى تەسۋىرلەش كېرەك

بەيگە مەيدانىدىكى 

چېپىپ يۈرگەن ئارغىماقلارنىڭ جەسۇر قامىتىنى

سۈرئەت بىلەن قايناق ھېسسىياتتىكى جۇشقۇنلۇق

مۇسابىقە مەيدانىدا نامايان بولغان ھەيۋەتلىك كۆرۈنۈشنى تەسۋىرلەش كېرەك

تۇرمۇشنىڭ ئىللىقلىقىنى

تىنچ يىللارنى 

يورىغان چىراغلار، مورىلاردىن كۆتۈرۈلۈۋاتقان ئىسلارنى

ئەسلىمىلەردىن شەكىللەنگەن يۆگىمە رەسىملەرنى

ئىلگىرىكىدەك ئىللىقلىقنى 

بىر ئائىلە كىشىلىرىنىڭ تاماق ئۈستىلىدىكى بەخت كۈلكىسىنى تەسۋىرلەش كېرەك