ئانار بۇلۇت \ شىنجاڭ گېزىتى خەۋىرى 4-ئاينىڭ 15-كۈنىدىن باشلاپ، شىنجاڭ كۇتۇپخانىسى ئېچىش ۋاقتىنى تەڭشىدى، چۈشتىن بۇرۇن سائەت 10دا ئېچىلىپ، چۈشتىن كېيىن سائەت 7دىن 30 مىنۇت ئۆتكەندە تاقىلىدۇ، كۇتۇپخانىنىڭ 1-قەۋىتىدىكى كىتاب ئوقۇش رايونىنىڭ ۋاقىتنى ئۇزارتىپ مۇلازىمەت قىلىش ۋاقتى كەچ سائەت 10غىچە بولىدۇ.
شىنجاڭ كۇتۇپخانىسى ۋىيشىن ئاممىۋى سۇپىسى يېقىندا ئېلان قىلغان ئۇقتۇرۇشتا مۇنداق دېيىلدى: ئاممىۋى كۇتۇپخانىنىڭ مۇلازىمەت فۇنكسىيەسىنى تولۇق جارى قىلدۇرۇپ، ئاممىۋى مەدەنىيەت بايلىقىدىن ئۈنۈملۈك پايدىلىنىپ، كەڭ خەلق ئاممىسىنىڭ كۈنسېرى ئېشىۋاتقان مەدەنىيەت ئېھتىياجىنى تېخىمۇ ياخشى قاندۇرۇش ئۈچۈن، 2024-يىلى 4-ئاينىڭ 15-كۈنىدىن باشلاپ، شىنجاڭ كۇتۇپخانىسى ئېچىش ۋاقتىنى تەڭشەيدۇ، كونكرېت ئورۇنلاشتۇرۇش تۆۋەندىكىچە:
4-ئاينىڭ 15-كۈنىدىن 10-ئاينىڭ 14-كۈنىگىچە، ئېچىلىش ۋاقتى: سائەت 10:00دىن سائەت 19:30غىچە، ۋاقىتنى ئۇزارتىپ مۇلازىمەت قىلىش ۋاقتى: سائەت 19:30دىن 22:00گىچە.
قانۇندا بەلگىلەنگەن بايرام، دەم ئېلىش كۈنلىرىدىكى ئېچىلىش ۋاقتى: سائەت 10:30دىن سائەت 19:30غىچە؛
كىتاب ئوقۇش ئۆيىنىڭ ئېچىلىش ۋاقتى: سائەت 10:00دىن سائەت 23:00كىچە.
ھەر دۈشەنبە كۈنى كۇتۇپخانا تاقىلىدۇ، بايرام، دەم ئېلىش كۈنلىرى بۇنىڭ سىرتىدا.
ۋاقىتنى ئۇزارتىپ مۇلازىمەت قىلىش رايونى: كۇتۇپخانىنىڭ 1-قەۋىتىدىكى كىتاب ئوقۇش رايونى.
«ئانار بۇلۇت»تىن ئېلىپ تەرجىمە قىلىندى
