4-ئاينىڭ 11-كۈنى، قۇتۇبى ناھىيەسى دافېڭ بازىرى ليەنفېڭ كەنتىدىكى كېۋەزلىكتە، بىر كېۋەز تېرىش ماشىنىسى بېيدوۋ سۈنئىي ھەمراھ يول باشلاش سىستېمىسىنىڭ دەل ئورۇن بەلگىلىشى بىلەن، پۈتۈن مۇساپىدە ماشىنىلاشقان مەشغۇلات قىلىپ، ئېتىز-ئېرىق باشلىرىدا ئالدىراش مەنزىرە بارلىققا كەلدى. بۇ يىل، قۇتۇبى ناھىيەسى 400 مىڭ مو يەرگە كېۋەز تېرىشنى پىلانلىدى، پۈتۈن ناھىيەدىكى ھەر قايسى يېزا-بازارلار دېھقانلارنى دېھقانچىلىق ۋاقتىنى چىڭ تۇتۇپ كېۋەز تېرىشقا پائال تەشكىللىدى. كېۋەز تېرىش خىزمىتىنىڭ يۇقىرى سۈپەتلىك، تەرتىپلىك ئالغا سىلجىتىلىشىغا پۈتۈن كۈچ بىلەن كاپالەتلىك قىلىش ئۈچۈن، شۇ جايدىكى يېزا ئىگىلىكى، يېزا تارماقلىرى يەنە كەسپىي تېخنىكا خادىملىرىنى ئەۋەتىپ، ئېتىز باشلىرىغا بېرىپ، كېۋەز تېرىش خىزمىتىنىڭ پۈتۈن جەريانىغا يېتەكچىلىك قىلدى ۋە مۇلازىمەت قىلدى. (ئىختىيارىي مۇخبىر تاۋ ۋېيمىڭ)
كېۋەز تېرىش ماشىنىسى مەشغۇلات قىلىۋاتقاندا، تېرىقچىلىق ئائىلىسىدىكىلەر كەينىدە ئەگىشىپ تېرىش سۈپىتىنى تەكشۈرۈپ ماڭماقتا.
