دۆلىتىمىزنىڭ ئىجتىمائىي سۇغۇرتا قانۇنىدا ئاساسىي ياشانغاندا كۈتۈنۈش سۇغۇرتىسىغا قاتناشقان شەخسلەردىن قانۇندا بەلگىلەنگەن پېنسىيە يېشىغا يەتكەندە جەمئىي ھەق تاپشۇرغان ۋاقتى 15 يىلغا توشقانلىرى ھەر ئايدا ئاساسىي كۈتۈنۈش پۇلى ئالىدۇ، دەپ بەلگىلەنگەن. شۇڭا، ياشانغاندا كۈتۈنۈش پۇلىنى ئېلىشنىڭ شەرتى «ياشانغاندا كۈتۈنۈش سۇغۇرتىسىنى جەمئىي 15 يىل تاپشۇرغان» بولۇش، «ئۇدا 15 يىل تاپشۇرغان» بولۇش ئەمەس. ھەق تاپشۇرۇش يىل چېكى ئەمەلىي ھەق تاپشۇرغان يىل چېكى ۋە ھەق تاپشۇردى، دەپ قارالغان يىل چېكىنى ئۆز ئىچىگە ئالىدۇ.
ئۆلكە ھالقىپ يۆتكىلىپ ئىشقا ئورۇنلاشقان نۇرغۇن خادىمنىڭ كۆپ جايدا سۇغۇرتىغا قاتنىشىپ ھەق تاپشۇرغان تارىخى بار. ئۇنداقتا، كەلگۈسىدە پېنسىيەگە چىققاندىن كېيىن كۈتۈنۈش پۇلىنى قەيەردىن ئېلىش كېرەك؟
قەيەردە پېنسىيەگە چىقىش، پېنسىيە تەمىناتىنى ئېلىشتا ئاساسلىقى ياشانغانلار كۈتۈنۈش سۇغۇرتىسى مۇناسىۋىتىنىڭ ھازىر نوپۇسى تۇرۇشلۇق ئۆلكىدە ياكى ئەمەسلىكىگە قاراش كېرەك. ئەگەر نوپۇسى تۇرۇشلۇق ئۆلكىدە بولسا، مەيلى سۇغۇرتىغا قاتنىشىپ ھەق تاپشۇرغان ۋاقتى قانچىلىك ئۇزاق بولۇشىدىن قەتئىينەزەر، نوپۇسى تۇرۇشلۇق ئۆلكىدە پېنسىيەگە چىقىدۇ. ئەگەر نۆۋەتتە ياشانغانلار كۈتۈنۈش سۇغۇرتىسى مۇناسىۋىتى (ئادەتتىكى ئىسچوت) نوپۇسى تۇرۇشلۇق ئۆلكىدە ئەمەس، ئۇنىڭ ئۈستىگە كۆپ بۆلەكلىك مۇناسىۋىتى 10 يىلغا توشقان بولسا، ئەڭ ئاخىرقى 10 يىل توشقان ئۆلكە پېنسىيەگە چىققان جاي بولىدۇ. ياشانغانلار كۈتۈنۈش سۇغۇرتىسى مۇناسىۋىتى نوپۇسى تۇرۇشلۇق ئۆلكىدە بولمىسا، ئۇنىڭ ئۈستىگە سۇغۇرتىغا قاتناشقان ھەر بىر جايدا ھەق تاپشۇرغىنىغا 10 يىل توشمىغان بولسا، نوپۇسى تۇرۇشلۇق ئۆلكىدىن ياشانغانلار كۈتۈنۈش پۇلى ئالىدۇ.
ئېلېكترونلۇق ئىجتىمائىي كاپالەت كارتىسىدا ھېسابلىغىلى بولىدۇ!
ئۇنداقتا، پېنسىيەگە چىققاندىن كېيىن قانچىلىك ياشانغاندا كۈتۈنۈش پۇلى ئالغىلى بولىدىغانلىقىنى ئېلېكترونلۇق ئىجتىمائىي كاپالەت كارتىسىدا قانداق ھېسابلايدۇ؟
ئېلېكتىرونلۇق ئىجتىمائىي كاپالەت كارتىسىغا تىزىملىتىپ كىرگەندىن كېيىن، باش بەتتىكى «ئادەم كۈچى بايلىقى ۋە ئىجتىمائىي كاپالەت ئىشلىرىنى بېجىرىش»تىن «ئىجتىمائىي كاپالەت»نى تېپىپ، مۇناسىپ ياشانغاندا كۈتۈنۈش سۇغۇرتىسى تەمىناتىنى مۆلچەر ھېسابلاشنى تاللاپ چېكىڭ، بىر نەچچە سانلىق مەلۇماتنى تولدۇرسىڭىزلا كۈتۈنۈش پۇلىنى ھېسابلىيالايسىز!
دۆلەت ئىجتىمائىي سۇغۇرتا ئاممىۋى مۇلازىمەت سۇپىسىنىڭ ئالاقىدار ئىقتىدارى ئارقىلىق مۆلچەرەن ھېسابلاشقىمۇ بولىدۇ.
«ئادەم كۈچى بايلىقى ۋە ئىجتىمائىي كاپالەت مىنىستىرلىقى ۋىيشىن ئاممىۋى نومۇرى»دىن تەرجىمە قىلىندى
