ئانار بۇلۇت \ شىنجاڭ گېزىتى خەۋىرى (مۇخبىر گو لىڭ) 1ئاينىڭ 28كۈنى چۈشتىن بۇرۇن، ئاپتونوم رايونلۇق 14- نۆۋەتلىك خەلق قۇرۇلتىيى 2- يىغىنى، ئاپتونوم رايونلۇق سىياسىي كېڭەش 13- نۆۋەتلىك كومىتېتى 2- يىغىنىنىڭ ئاخبارات ئېلان قىلىش يىغىنى ئاپتونوم رايوننىڭ ئىككى يىغىنى ئاخبارات مەركىزىدە ئۆتكۈزۈلدى.
يىغىن نەق مەيدانى.
ئانار بۇلۇت \ شىنجاڭ گېزىتى مۇخبىرى لى رۇي فوتوسى
مۇخبىر ئاخبارات ئېلان قىلىش يىغىنىدىن مۇنۇلارنى ئىگىلىدى: شىنجاڭدا ھازىر مەملىكەتلىك، ئاپتونوم رايونلۇق، ئوبلاستلىق- شەھەرلىك، ناھىيەلىك- شەھەرلىك- رايونلۇق، يېزىلىق- بازارلىق بەش دەرىجىلىك خەلق قۇرۇلتىيى ۋەكىلىدىن 73 مىڭ 957 كىشى بار بولۇپ، بۇنىڭ ئىچىدە ئاز سانلىق مىللەتلەر %65.4نى ئىگىلەيدۇ. ئاپتونوم رايونلۇق خەلق قۇرۇلتىيى ۋەكىلىدىن ھازىر 548 كىشى بار، بۇنىڭ ئىچىدە ئاز سانلىق مىللەتلەر %63.14نى، ئىشچىلار، دېھقانلار، كەسپىي تېخنىكا خادىملىرى %40.33نى، ئاياللار %26.46نى، پارتىيەسىز زاتلار %34.85نى ئىگىلەيدۇ. ھەر دەرىجىلىك خەلق قۇرۇلتايلىرىنىڭ ۋەكىللىرى ھەر ساھە، ھەر كەسىپتىن، ھەر تەرەپتىن كەلگەن، ئامما ئارىسىدا يىلتىز تارتقان، ئاممىغا مۇلازىمەت قىلىدىغان بولۇپ، كەڭ ۋەكىللىك خاراكتېرىگە ئىگە.
