شىنجاڭدىكى نۇرغۇن قۇتقۇزۇش-ياردەم بېرىش ئەترەتلىرى سەھەردە يىغىلىپ، ئۇچتۇرپان ناھىيەسىدىكى يەر تەۋرىگەن نەق مەيدانغا دەرھال يېتىپ باردى

    تىيانشان تورى-شىنجاڭ گېزىتى خەۋىرى (مۇخبىر زوۋ يى فوتوسى، خەۋىرى) 1-ئاينىڭ 23-كۈنى سائەت 2دىن 9 مىنۇت ئۆتكەندە، ئاقسۇ ۋىلايىتىنىڭ ئۇچتۇرپان ناھىيەسىدە 7.1 بال يەر تەۋرىدى، سائەت 5لەردە، مۇخبىر ئۈرۈمچى دىۋوپۇ خەلقئارا ئايروپورتىدا شىنجاڭ ئوت ئۆچۈرۈش، قۇتقۇزۇش-ياردەم بېرىش باش ئەترىتى، شىنجاڭ جىددىي ئىشلارغا تاقابىل تۇرۇش بويىچە كان قۇتقۇزۇش-ياردەم بېرىش باش ئەترىتى، شىنجاڭ ئورمان ئوت ئۆچۈرۈش باش ئەترىتى قاتارلىق نۇرغۇن قۇتقۇزۇش-ياردەم بېرىش ئەترەتلىرىنىڭ ئۇچتۇرپان ناھىيەسىگە دەرھال يېتىپ بېرىش ئۈچۈن ئايروپورتقا يىغىلغانلىقىنى كۆردى.