ئانار بۇلۇت \ شىنجاڭ گېزىتى خەۋىرى (مۇخبىر تاڭ يۇڭ فوتوسى، خەۋىرى)
8-ئاينىڭ 21-كۈنى، يىۋۇ شەھىرى شېنتۇڭ تېز يەتكۈزۈش چەكلىك شىركىتىنىڭ يۆتكەپ توشۇش مەركىزىدە، ئاپتوموبىلدىن چۈشۈرۈلگەن پوسۇلكا ۋە تېز يوللانمىلار ئايرىش سىستېمىسىغا تىزىلىپ، بىر مەيدان ئايرىش «سەپىرى»نى باشلىدى.
2022-يىلى، يىۋۇ شەھىرى شېنتۇڭ تېز يەتكۈزۈش چەكلىك شىركىتى شىنجاڭغا مەخسۇس لىنىيە ئاچتى، ھازىر، كۈندە شىنجاڭغا يەتكۈزۈلىدىغان تېز يوللانمىلار 30 مىڭغا يېتىدىغان بولۇپ، توشۇش ۋاقتىنىڭمۇ يېرىمى قىسقاردى، يىۋۇدىن ئۈرۈمچىگە يەتكۈزۈلىدىغان تېز يوللانمىلار 72 سائەتتە يېتىپ كېلىدۇ. دۆلەت پوچتا ئىدارىسىنىڭ ئىستاتىستىكىسىغا ئاساسلانغاندا، بۇ يىلنىڭ ئالدىنقى يەتتە ئېيىدا، دۆلىتىمىزنىڭ تېز يەتكۈزۈش كەسىپىنىڭ جەمئىي تاماملىنىش مىقدارى (پوچتا گۇرۇھىنىڭ پوسۇلكا كەسپىنى ئۆز ئىچىگە ئالمايدۇ) 70 مىليارد 300 مىليون پارچە بولۇپ، بۇلتۇرقى ئوخشاش مەزگىلدىكىدىن %15.5 ئاشقان. تېز يەتكۈزۈش كەسپى مىقدارى ئالدىنقى 50 ئورۇندا تۇرىدىغان شەھەر ئىچىدە جىنخۇا (يىۋۇ) شەھىرى بىرىنچى ئورۇندا تۇرغان.
8-ئاينىڭ 21-كۈنى، يىۋۇ شەھىرى شېنتۇڭ تېز يەتكۈزۈش چەكلىك شىركىتىنىڭ ھەرقايسى جايلارغا بېرىشقا تەييارلانغان ئاپتوموبىللىرى.«ئانار بۇلۇت»تىن ئېلىپ تەرجىمە قىلىندى
