ئاپتونوم رايونىمىزنىڭ ھەر قايسى جايلىرىدا «مىللەتلەر ئىتتىپاقلىشىپ بىر ئائىلە كىشىلىرىدىن بولۇش» پائالىيىتى چوڭقۇر قانات يايدۇرۇلدى

5-ئاينىڭ 7-كۈنى، ئاتۇش شەھىرى گۇاڭمىڭ يولى كوچا باشقارمىسى قۇرۇلۇش يولى مەھەللىسى كېجيەن يېڭى كەنتى ئولتۇراق رايونىدىكى ھەر مىللەت ئاھالىلەر ناخشا ئېيتىپ، ئۇسسۇل ئويناپ بىر يەرگە جەم بولدى. تىيانشان تورى ـ شىنجاڭ گېزىتى مۇخبىرى ئۆتكۈر نىجات فوتوسى

    5-ئاينىڭ 14-كۈنى، لوپ ناھىيەسى 2023-يىللىق «كىشىلەر قەلبىنى مەدەنىيەت ئارقىلىق ئوزۇقلاندۇرۇش، يېڭى دەۋر ئاساسىي مېلودىيەسىنى ياڭرىتىش» باش تېما قىلىنغان خەلق سەنئەتكارلىرىنىڭ يېزا چالغۇلىرىنى چېلىش مۇسابىقىسى ئۆتكۈزدى. ھەر قايسى يېزا-بازارلاردىن كەلگەن 100دىن ئارتۇق يېزا -كەنت خەلق سەنئەتكارى تەمبۇر، دۇتار، راۋاب، سۇناي قاتارلىق چالغۇلار بىلەن ماھارەت كۆرسەتتى. ھەرقايسى چالغۇلار نۆۋەت بىلەن چېلىندى، مول مۇزىكا ۋە ئېسىل چالغۇلار نەق مەيداندىكى تاماشىبىنلارغا ئوخشاش بولمىغان چالغۇلارنىڭ سېھرى كۈچىنى تولۇق ھېس قىلدۇردى.

    5-ئاينىڭ 12-كۈنى، ساۋەن شەھەرلىك ئىنتىزام تەكشۈرۈش كومىتېتى، رېۋىزىيە كومىتېتىنىڭ سەندوخوزا بازىرى نۇرلۇق يولى مەھەللىسىدە تۇرۇشلۇق «ئەلرايىنى بىلىش، ئەلگە نەپ يەتكۈزۈش، ئەلنى مايىل قىلىش» خىزمەت ئەترىتى ۋە مەھەللە «ئىككى كومىتېتى» «ئىناق قوشنىدارچىلىق، يۈز ئائىلە زىياپىتى» مىللەتلەر ئىتتىپاقلىشىپ بىر ئائىلە كىشىلىرىدىن بولۇش بىرلەشمە كۆڭۈل ئېچىش پائالىيىتىنى قانات يايدۇردى، تەۋەلىكتىكى ھەر مىللەت ئاھالىسى بىرلىكتە مەززىلىك تائاملارغا ئېغىز تېگىپ، پاراڭلىشىپ، مىللەتلەر ئىتتىپاقلىقى ھېسسىياتىنى ئورتاق بايان قىلدى.

    5-ئاينىڭ 12-كۈنى، ساۋەن شەھەرلىك پارتىيە كومىتېتى پېشقەدەم كادىرلار ئىدارىسىنىڭ سەندوخوزا بازىرى ئورمانچىلىق مەيدانى مەھەللىسىدە تۇرۇشلۇق «ئەلرايىنى بىلىش، ئەلگە نەپ يەتكۈزۈش، ئەلنى مايىل قىلىش» خىزمەت ئەترىتى ۋە مەھەللە «ئىككى كومىتېت»ى «گۈللەر ئېچىلغان گۈزەل 5-ئايدا تۇغقىنىم بىلەن يۇرتۇمنى ساياھەت قىلىمەن» مىللەتلەر ئىتتىپاقلىشىپ بىر ئائىلە كىشىلىرىدىن بولۇش مېھىر ـ مۇھەببەت يۇغۇرۇلما پائالىيىتىنى قانات يايدۇرۇپ، قوشماقلاشقان تۇغقانلارنى بىرلىكتە گۈزەل مەنزىرىلەرنى ساياھەت قىلىشقا، بىرلىكتە ئويۇن ئويناشقا تەكلىپ قىلىپ، يۇرتىدىكى خۇشاللىنارلىق ئۆزگىرىشلەرنى ھېس قىلدۇردى.

    6-ئاينىڭ 15-كۈنى، ساۋەن شەھەرلىك ئارمىيەدىن چېكىنگەن ھەربىيلەر ئىشلىرى ئىدارىسى، ئاياللار بىرلەشمىسى، جۇڭگو تېلېگرافى پاي چەكلىك شىركىتى ساۋەن شۆبە شىركىتىنىڭ سەندوخوزا بازىرى مەيدان يولى مەھەللىسىدە تۇرۇشلۇق «ئەلرايىنى بىلىش، ئەلگە نەپ يەتكۈزۈش، ئەلنى مايىل قىلىش» خىزمەت ئەترىتى ۋە مەھەللە «ئىككى كومىتېت»ى تەۋەلىكتىكى ھەر مىللەت ئاھالىلەرنى تەشكىللەپ، «دۇەنۋۇ بايرىمىدىكى قويۇق مېھىر-مۇھەببەت رىشتى زۇڭزىنىڭ خۇش ھىدىدىن ئىللىدى كىشىلەر قەلبى» مىللەتلەر ئىتتىپاقلىقى مېھرىبانلىق بىرلەشمە كۆڭۈل ئېچىش پائالىيىتىنى بىرلىكتە قانات يايدۇرۇپ، دۇەنۋۇ بايرىمىنى كۈتۈۋالدى.

    6-ئاينىڭ 18-كۈنى ئاقسۇ شەھەرلىك سۇچىلىق ئىدارىسىنىڭ قاراتال بازىرى سات كەنتىدە تۇرۇشلۇق «ئەلرايىنى بىلىش، ئەلگە نەپ يەتكۈزۈش، ئەلنى مايىل قىلىش» خىزمەت ئەترىتى كەنت ئاھالىلىرى بىلەن بىرلىكتە «زۇڭزىنىڭ خۇش ھىدىدىن ئىللىدى كىشىلەر قەلبى، دۇەنۋۇ بايرىمىدىكى قويۇق مېھىر-مۇھەببەت رىشتى» باش تېمىسىدىكى يۈرۈشلۈك پائالىيەتلەرنى قانات يايدۇردى، ھەر مىللەت ئامما بىر يەرگە جەم بولۇپ، دۇەنۋۇ بايرىمىنى بىرلىكتە كۈتۈۋالدى.

    6-ئاينىڭ 18-كۈنى، ئۈرۈمچى شەھەرلىك ئارخىپخانىنىڭ ئۈرۈمچى يۇقىرى، يېڭى تېخنىكا تەرەققىيات رايونى(يېڭىشەھەر رايونى) يىنچۇەن يولى كوچا باشقارمىسى يىنچۇەن يولى مەھەللىسىدە تۇرۇشلۇق «ئەلرايىنى بىلىش، ئەلگە نەپ يەتكۈزۈش، ئەلنى مايىل قىلىش» خىزمەت ئەترىتى مەھەللە بىلەن بىرلىكتە، «خەلق ئۆرپ-ئادىتىنى ھېس قىلىپ، دۇەنۋۇ بايرىمىنى كۈتۈۋېلىش» پائالىيىتىنى قانات يايدۇرۇپ، دۇەنۋۇ بايرىمىنى خۇشال كۈتۈۋالدى.

    6-ئاينىڭ 18-كۈنى جۇڭگو بىرلەشمە تور خەۋەرلىشىش چەكلىك شىركىتى ساۋەن شەھەرلىك شۆبە شىركىتىنىڭ شاڭخۇدى يېزىسى خۇشى كەنتىدە تۇرۇشلۇق «ئەلرايىنى بىلىش، ئەلگە نەپ يەتكۈزۈش، ئەلنى مايىل قىلىش» خىزمەت ئەترىتى ۋە كەنت «ئىككى كومىتېت»ى ھەر مىللەت ئاممىنى «دۇەنۋۇ بايرىمىدىكى قويۇق مېھىر-مۇھەببەت رىشتى  مىللەتلەر ئىتتىپاقلىقى» بىرلەشمە دوستلۇق پائالىيىتىنى قانات يايدۇرۇشقا تەشكىللىدى. كادىرلار ۋە ئامما بىرلىكتە زۇڭزا تۈگۈپ، خۇش پۇراق خالتا ياساپ، ئەمەن ئېسىپ، ئەنئەنىۋى خەلق ئۆرپ-ئادىتى مەدەنىيىتىنىڭ سېھرىي كۈچىنى ھېس قىلدى.

    دۇەنۋۇ بايرىمى يېتىپ كېلىش ئالدىدا، خېبېي تاڭشەننىڭ شىنجاڭغا ياردەم بېرىۋاتقان كادىرلىرى چەرچەن ناھىيەلىك ئۇرۇقچىلىق مەيدانىغا كېلىپ، كەنت ئاھالىلىرى بىلەن بىللە زۇڭزا تۈگۈپ، مۇڭدىشىپ، دۇەنۋۇ بايرىمىنى بىرلىكتە كۈتۈۋالدى.

    6-ئاينىڭ 16-كۈنى، جۇڭگو خەلق بانكىسى ساۋەن شەھەرلىك شۆبە بانكىسىنىڭ شاڭدى يېزىسى شاڭدۇڭ كەنتىدە تۇرۇشلۇق «ئەلرايىنى بىلىش، ئەلگە نەپ يەتكۈزۈش، ئەلنى مايىل قىلىش» خىزمەت ئەترىتى ۋە كەنت «ئىككى كومىتېت»ى «دۇەنۋۇ بايرىمىدىكى قويۇق مېھىر-مۇھەببەت  خۇشپۇراق زۇڭزا شادلىقىدىن بەھرىمەن بولۇش» باش تېمىسىدىكى مىللەتلەر ئىتتىپاقلىشىپ بىر ئائىلە كىشىلىرىدىن بولۇش بىرلەشمە كۆڭۈل ئېچىش پائالىيىتىنى تەشكىللەپ قانات يايدۇرۇپ، ھەر مىللەت ئامما بىر يەرگە جەم بولۇپ، زۇڭزا تۈگۈپ، مەززىلىك تائاملارغا ئېغىز تەگدى، كۆپچىلىك كۈلكە سادالىرى ئىچىدە بەخت تىلەپ، ئىتتىپاقلىق ھەققىدە پاراڭلىشىپ، خۇشال مىنۇتلاردىن ئورتاق بەھرىمەن بولدى.

    6-ئاينىڭ 19-كۈنى، سانجى شەھىرى داشىچۇ بازىرى بەخت مەھەللىسىدە «دۇەنۋۇ بايرىمىدىن ھۇزۇرلىنىش مەدەنىيەتكە ۋارىسلىق قىلىش» باش تېمىسىدىكى يۈرۈشلۈك مەدەنىيەت پائالىيىتى ئۆتكۈزۈلدى. ھەر مىللەت ئامما ئۆزلىرى تەييارلىغان ناخشا-ئۇسسۇل، كۇەيبەن قاتارلىق نومۇرلارنى ئورۇنلاپ، ئەنئەنىۋى بايرامنى خۇشال-خۇرام كۈتۈۋالدى.