يېقىندا، خېيلۇڭجياڭ ئۆلكىسىنىڭ مۇدەنجياڭ شەھىرى مۇدەنفېڭ دۆلەت ئورمان باغچىسىدىكى مۇز گۈللىرى ئارقا-ئارقىدىن ئېچىلىپ، كۆپلىگەن ساياھەتچىنى بۇ يەرگە كېلىپ تاماشا قىلىش ۋە سۈرەتكە تارتىشقا جەلپ قىلدى.
ئىگىلىنىشىچە، مۇز گۈلى يەنە يەسىمەن گۈل دەپمۇ ئاتىلىدىغان بولۇپ، ئۇ شىمالدىكى سوغۇق باھاردا ئەڭ بالدۇر ئېچىلىدىغان گۈل ئىكەن. مۇز گۈلىنىڭ تۈپى پاكار بولۇپ، باھارنىڭ سوغۇقىغا بەرداشلىق بېرىدىغان ئالاھىدىلىككە ئىگە. مۇدەنفىڭ دۆلەت ئورمان باغچىسىدىكى مۇز گۈللىرى ھەر يىلى 3-ئايدا ئېچىلىدۇ، 4-ئاينىڭ ئوتتۇرىلىرىدا راسا ئېچىلىش مەزگىلىگە كىرىدۇ، نەچچە مىڭ تۈپ مۇز گۈلى بەس-بەستە ئېچىلىپ، ئالتۇن رەڭلىك گۈللەر مۇز يېرىپ چىقىپ، ئاپئاق قارنىڭ نۇرىدا ئادەتتىن تاشقىرى گۈزەل كۆرۈنىدۇ. (سۇ جىڭگاڭ، چۈ شىجۇڭ)
سۈرەتلەرنى چۈ بو، ۋاڭ گېڭ، ۋاڭ جىلېي تارتقان
«خەلق تورى»دىن ئېلىپ تەرجىمە قىلىندى.
