يېزا ئىگىلىكى ۋە يېزا مىنىستىرلىقى 2- ئاينىڭ 21- كۈنى «پارتىيە مەركىزىي كومىتېتى، گوۋۇيۇەننىڭ 2023- يىلى يېزا-كەنتلەرنى گۈللەندۈرۈشنى ئومۇميۈزلۈك ئالغا سىلجىتىشتىكى نوقتىلىق خىزمەتلەر ئورۇنلاشتۇرمىسىنى ئەمەلىيلەشتۈرۈش توغرىسىدىكى يولغا قويۇش پىكرى»نى ئېلان قىلىپ، يېزا مەنىۋى مەدەنىيلىك قۇرۇلۇشىنى كۈچەيتىپ، يېزىلاردىكى ناچار ئۆرپ-ئادەتلەرنى ئۆزگەرتىشنى سىجىل ئالغا سىلجىتىشنى ئوتتۇرىغا قويدى. ناچار ئۆرپ- ئادەتلەرنى ئۆزگەرتىش تەشۋىقات- تەربىيە پائالىيىتى تەشكىللەپ قانات يايدۇرۇلۇپ، يۇقىرى باھالىق تويلۇق، ھەشەمەت بىلەن چوڭ ئۆتكۈزۈش قاتارلىق نۇقتىلىق ساھەلەردىكى گەۋدىلىك مەسىلىلەرنى مەخسۇس تۈزەش پۇختا قانات يايدۇرۇلىدۇ. ھەرقايسى جايلار كەنت قائىدىسى، ئاھالىلەر ئەھدىنامىسىدە توي- تۈكۈن، ئۆلۈم- يېتىم ئىشلىرىنى ئاددىي ئۆتكۈزۈش، ئادەمگەرچىلىك يۈكىنى يېنىكلىتىش، چېكىدىن ئاشقان ھەشەمەتچىلىككە قارشى تۇرۇش، ياشانغانلارغا ۋاپادار بولۇش، ئۇرۇق- تۇغقانلىرىغا كۆيۈنۈشنى تەشەببۇس قىلىش قاتارلىق مەزمۇنلارنى تولۇقلاشقا يېتەكلىنىدۇ. 4- تۈركۈمدىكى مەدەنىي يېزا ئىستىلى قۇرۇلۇشىدىكى تىپىك مىساللار تاللاپ تونۇشتۇرۇلۇپ، يېزا ئىستىلى مەدەنىيلىك قۇرۇلۇشى تەجرىبىلىرى كېڭەيتىلىدۇ.
پايدىلانغان مەنبە: مەركىزىي تېلېۋىزىيە ئىستانسىسى مالىيە- ئىقتىساد قانىلى ۋېيشىن ئاممىۋى نومۇرى
