«گۈل نېمىشقا بۇنچە قىزىل» 17- نۆۋەتلىك جۇڭگو چاڭچۈن كىنو بايرىمىغا تاللاندى

لاچىن بايەكە بالىسىغا ئىلگىرى چېگرا چارلىغان ئىشلىرىنى سۆزلەپ بەرمەكتە(كىنو كۆرۈنۈشى).

    «گۈل نېمىشقا بۇنچە قىزىل» ناملىق كىنو تىيانشان كىنو ئىستۇدىيەسى جۇڭگو كوممۇنىستىك پارتىيەسى مەركىزىي كومىتېتى تەشۋىقات بۆلۈمى تولۇقلاپ نام بەرگەن «دەۋر نەمۇنىچىسى» لاچىن بايەكەنىڭ ھەقىقىي ئىش ئىزىغا ئاساسەن ئۆزگەرتىپ ئىشلەنگەن. 2021- يىلى 1- ئاينىڭ 4- كۈنى، شىنجاڭ تاشقورغان تاجىك ئاپتونوم ناھىيەسىنىڭ تىزناپ يېزىسى تىزناپ كەنتى ئاھالىلەر كومىتېتىنىڭ ئەزاسى، چېگرا قوغدىغۇچى لاچىن بايەكە كاچكۇلغا چۈشۈپ كەتكەن بالىنى قۇتقۇزۇش ئۈچۈن بەختكە قارشى قەھرىمانلارچە قۇربان بولدى، شۇ چاغدا ئۇ ئاران 41 ياشتا ئىدى. كىنودا مۇشۇ ئەسلىي قىياپەت ئارقىلىق، لاچىننىڭ ئۆسۈپ يېتىلىشى ۋە ئىش ئىزلىرى بايان قىلىنغان. لاچىن ئازادلىق ئارمىيەنىڭ ياردىمىدە ئۆسۈپ يېتىلگەن، ھەربىيلىككە قاتناشقاندىن كېيىن چېنىقىش پۇرسىتىگە ئېرىشكەن، چېگرانى قوغداۋاتقاندا ئارمىيەنى ھىمايە قىلىش نەمۇنىچىسىغا ئايلانغان، ئاخىرىدا كاچكۇلغا چۈشۈپ كەتكەن بالىنى قۇتقۇزۇش ئۈچۈن قەھرىمانلارچە قۇربان بولغان، پۈتكۈل جەريان ھەقىقىي ۋەقەلىكتىن كەلگەن بولۇپ، ھەر مىللەت خەلقنىڭ ۋەتەن چوڭ ئائىلىسىدىكى قان بىلەن گۆشتەك يۇغۇرۇلغان ئىناق مۇناسىۋىتى قايىل قىلارلىق دەرىجىدە نامايان قىلىنىپ، لاچىن بايەكەنىڭ ۋەتەننى سۆيۈش، ئۆزىنى بېغىشلاشتەك ئاساسىي ئېقىم قىممەت قارىشىنى ئىپادىلەپ بەرگەن.