ئانار بۇلۇت\شىنجاڭ گېزىتى مۇخبىرى ۋاڭ نا خەۋەر قىلىدۇ: 1 - ئاينىڭ 25 - كۈنى كەچتە، ئاپتونوم رايونلۇق 13 - نۆۋەتلىك خەلق قۇرۇلتىيى قانۇنچىلىق كومىتېتى 37 - قېتىملىق ئومۇمىي يىغىن ئۆتكۈزدى، يىغىندا، ئاپتونوم رايوننىڭ يېزا - كەنتلەرنى گۈللەندۈرۈشنى ئىلگىرى سۈرۈش نىزامى (لايىھە) بىرتۇتاش قاراپ چىقىلدى، قاراپ چىقىش نەتىجىسى دوكلاتى ۋە نىزام (لايىھە)نى ئاپتونوم رايونلۇق 13 - نۆۋەتلىك خەلق قۇرۇلتىيى 5 - يىغىنى ھەيئەت رىياسىتى 4 - قېتىملىق يىغىنىنىڭ قاراپ چىقىشىغا سۇنۇش قارار قىلىندى.
ھەرقايسى ۋەكىللەر ئۆمەكلىرى 1 - ئاينىڭ 25 - كۈنى نىزام (لايىھە)نى ئەستايىدىل قاراپ چىقىپ، تۈزىتىش پىكىر - تەكلىپلىرىنى ئوتتۇرىغا قويدى. قانۇنچىلىق كومىتېتىنىڭ ئومۇمىي يىغىنى ئەستايىدىل رەتلەش، مۇھاكىمە قىلىپ قاراپ چىقىش ئارقىلىق، ۋەكىللەرنىڭ پىكىر - تەكلىپلىرىنى قوبۇل قىلىپ ئىشلىتىپ، ئاپتونوم رايوننىڭ يېزا - كەنتلەرنى گۈللەندۈرۈشنى ئىلگىرى سۈرۈش نىزامى (لايىھە)غا يەنىمۇ تۈزىتىش كىرگۈزۈپ مۇكەممەللەشتۈرۈپ، لايىھە (ئاۋازغا قويۇشقا سۇنۇش نۇسخىسى)نى شەكىللەندۈرۈپ، يىغىن ھەيئەت رىياسىتىنىڭ قاراپ چىقىشىغا سۇندى.
ئاپتونوم رايونلۇق 13 - نۆۋەتلىك خەلق قۇرۇلتىيى قانۇنچىلىق كومىتېتىنىڭ مۇدىر ئەزاسى لى شۆجۈن يىغىنغا رىياسەتچىلىك قىلدى.
