شىنجاڭ پاختىسىنى سېتىۋېلىش ئالدىراشچىلىقى

شىنجاڭ ساۋەن شەھىرىدە، پاختا بېسىلغان يۈك ئاپتوموبىللىرى بىر پاختا سېتىۋېلىش زاۋۇتىغا كىرىش ئۈچۈن ئۆچرەتتە تۇرماقتا. (10-ئاينىڭ 20-كۈنى، تىزگىنەكلىك ئۇچقۇدا تارتىلغان سۈرەت) شىنخۇا ئاگېنتلىقى مۇخبىرى خۇ خۇخۇ فوتوسى

تىيانشان تورى خەۋىرى يېقىندا، شىنجاڭ پاختىسى ئىشلەپچىقىرىدىغان مۇھىم رايون ساۋەن شەھىرىنىڭ ئېتىز-ئېرىق باشلىرىدا ئالدىراش، قايناق مەنزىرە نامايان بولدى، پاختا يىغىش ماشىنىلىرى كېۋەزلىكلەردە گۈرۈلدىسە، لىق پاختا قاچىلانغان يۈك ئاپتوموبىللىرى يېزا يولىدا ئۇياقتىن-بۇياققا موكىدەك ئۆتۈشۈپ تۇراتتى. پاختىكارلار دېھقانچىلىق ۋاقتىنى چىڭ تۇتۇپ، يىغىۋالغان پاختىلارنى پاختا سېتىۋېلىش زاۋۇتلىرىغا سېتىپ بەردى، شۇ جاينىڭ يېڭى پاختا سېتىۋېلىش خىزمىتى تەرتىپلىك ئېلىپ بېرىلدى. 2021-يىلى، ساۋەن شەھىرىدە 1 مىليون 766 مىڭ 200 مو يەرگە كېۋەز تېرىلغان بولۇپ، پاختىنىڭ سېتىۋېلىش باھاسى بۇلتۇرقى ئوخشاش مەزگىلدىكىگە قارىغاندا يۇقىرى بولدى.