ئاپتورى: پەزىلىيە تۇرغۇن
تومۇز ياز كۈنلىرى، شىنجاڭ بايىنغولىن موڭغۇل ئاپتونوم ئوبلاستىنىڭ خوشۇت ناھىيەسىدىكى 1000 موغا يېقىن يەردىكى ئاپتاپپەرەس بەس-بەستە ئېچىلىپ، شۇ جايدىكى گۈزەل مەنزىرىگە ئايلاندى.
7-ئاينىڭ 4-كۈنى، خوشۇت ناھىيەسىنىڭ تاغارچى بازىرى زورمۇنسۇل كەنتىگە كەلگىنڭىزدە، گۈللەرنىڭ خۇش ھىدى يىراقتىنلا دىماققا ئۇرۇلىدۇ. ئالتۇن رەڭ ئاپتاپپەرەسلەر كۆزنى قاماشتۇرىدىغان نۇر چاقنىتىپ، ئاپتاپپەرەس گۈللىرى خۇددى ماي بوياق رەسىمدەك كىشىنى ئۆزىگە جەلپ قىلدۇ.
يېقىنقى يىللاردىن بۇيان، خوشۇت ناھىيەسىنىڭ ھەر قايسى يېزا-بازارلىرىدا دېھقانلار يەرنى نۆۋەتلەشتۈرۈپ تېرىشنى مۇۋاپىق يولغا قويۇپ، بەلگىلىك كۆلەمدە ئاپتاپپەرەس تېرىدى. ھەر قېتىم ئاپتاپپەرەس ئېچىلغاندا، كۆزنى قاماشتۇرىدىغان ئاپتاپپەرەسلەر يېزا-كەنتلەرنىڭ قىياپىتىگە ھۆسن قوشۇپلا قالماي، يەنە تېرىقچىلىق ئائىلىلىرىگە ئىقتىسادىي كىرىم ئېلىپ كەلدى.
