چوڭ ئىشلار خاتىرىسى ⑰

1967 - يىلى

3 - ئاينىڭ 10 - كۈنى  مەركەزنىڭ يوليورۇقىغا ئاساسەن، شىنجاڭ ھەربىي رايونى پارتىيە كومىتېتىنىڭ رەھبەرلىكىدە، ئاپتونوم رايونلۇق ئىشلەپچىقىرىش ئىشخانىسى قۇرۇلۇپ، ئاپتونوم رايوننىڭ ئىقتىساد خىزمىتىنى تۇتۇشقا مەسئۇل بولدى.

6 - ئاينىڭ 17 - كۈنى  دۆلىتىمىز شىنجاڭ لوپنۇردا تۇنجى ۋودورود بومبىسىنى مۇۋەپپەقىيەتلىك پارتلاتتى.

8 - ئايدا  چىڭخەي ماڭيادىن شىنجاڭ خوتەنگىچە بولغان چىڭخەي - شىنجاڭ تاشيولىدا قۇرۇلۇش باشلاندى.

1968 - يىلى

9 - ئاينىڭ 28 - كۈنى  دۆلىتىمىز ئۆز ئالدىغا لايىھەلىگەن، ئۆز ئالدىغا قۇرۇلۇش قىلىدىغان شىنجاڭدىكى چوڭ تىپتىكى زامانىۋى كۆمۈر قۇدۇقى − ئۈرۈمچى 1 - نومۇرلۇق تىك قۇدۇق رەسمىي ئىشلەپچىقىرىشقا كىرىشتۈرۈلدى.

10 - ئاينىڭ 10 - كۈنىدىن 22 - كۈنىگىچە  ئاپتونوم رايونلۇق ئىنقىلابىي كومىتېت ئۈرۈمچىدە دېھقانچىلىق، چارۋىچىلىق ئىشلەپچىقىرىش سۆھبەت يىغىنى ئېچىپ، «ئىنقىلابنى تۇتۇش، ئىشلەپچىقىرىشنى ئىلگىرى سۈرۈش»نى تەلەپ قىلىپ، يەنىمۇ ئىلگىرىلىگەن ھالدا «يېزا ئىگىلىكىدە داجەيدىن ئۆگىنىش» دولقۇنىنى قوزغىدى.

1969 - يىلى

2 - ئاينىڭ 3 - كۈنى  ئۈرۈمچى رايونىدىن تۇنجى تۈركۈمدە 2000 دىن ئارتۇق زىيالىي ياش ماۋ زېدۇڭنىڭ چاقىرىقىغا ئاۋاز قوشۇپ، يېزىلارغا بېرىپ نامرات دېھقان، تۆۋەن ئوتتۇرا دېھقانلاردىن قايتا تەربىيە ئالدى.

6 - ئاينىڭ 10 - كۈنى  سوۋېت ئىتتىپاقى ئارمىيەسى ئېلىمىزنىڭ چاغانتوقاي ناھىيەسى بارلۇق تېغى رايونىغا تاجاۋۇز قىلىپ كىردى. شىنجاڭ ئىشلەپچىقىرىش - قۇرۇلۇش بىڭتۇەنى يېزا ئىگىلىك 9 - شىسى 161 - تۇەنىنىڭ ئايال خىزمەتچىسى سۈن لۇڭجېن ۋەتەن زېمىنىنىڭ دەخلى - تەرۇزگە ئۇچرىماسلىقىنى قوغداش يولىدا قەھرىمانلارچە قۇربان بولدى.

1970 - يىلى

7 - ئاينىڭ 1 - كۈنى  يەكەن دەرياسىنىڭ شەرقىي قىرغىقىدىكى كەلكۈن باشلاش ئۆستىڭىدە پۈتۈن لىنىيە بويىچە سۇ باشلاش مۇراسىمى ئۆتكۈزۈلدى. بۇ سۇچىلىق قۇرۇلۇشىنى شىنجاڭ ئىشلەپچىقىرىش - قۇرۇلۇش بىڭتۇەنى سانائەت 3 - شىسىنىڭ 23 - تۇەنى قۇرۇلۇشنى ئۈستىگە ئالغان بولۇپ، پۈتۈن ئۆستەڭنىڭ ئۇزۇنلۇقى 29.6 كىلومېتىر كېلىدۇ، 2 مىليون 300 مىڭ مو ئېتىزنى سۇغارغىلى بولىدۇ.

10 - ئاينىڭ 15 - كۈنى  بىڭتۇەن ئۇلانباي خىمىيەۋى ئوغۇت زاۋۇتىنىڭ پولىۋىنىل خىلورىد شۆبە زاۋۇتى پۈتۈپ ئىشلەپچىقىرىشقا كىرىشتۈرۈلۈپ، شىنجاڭنىڭ سولياۋ ئىشلەپچىقىرىشتىكى بوشلۇقىنى تولدۇردى.

12 - ئايدا، ئاپتونوم رايون «شىنجاڭ ئۇيغۇر ئاپتونوم رايونىنىڭ 4 - بەش يىللىق (1975 - 1971) خەلق ئىگىلىكى پىلانى (لايىھەسى)»نى ئېلان قىلدى.

□ئاپتونوم رايونلۇق پارتىيە كومىتېتى پارتىيە تارىخى ۋە ھۆججەت، ماتېرىيال تەتقىقات يۇرتى تەمىنلىگەن

□ئانار بۇلۇت \ شىنجاڭ گېزىتى مۇخبىرى فەن خۇڭيى رەتلىگەن

□سۈرەتلەرنى رەتلىگۈچى \ لايىھەلىگۈچى  لياڭ ۋېي