− رەئىس شى جىنپىڭنىڭ يېڭى يىللىق تەبرىك سۆزى ئاپتونوم رايونىمىزدىكى كادىرلار، ئامما ئارىسىدا قىزغىن ئىنكاس قوزغىدى
ئانار بۇلۇت\شىنجاڭ گېزىتى مۇخبىرلىرى
«2020 - يىلى ئومۇميۈزلۈك ھاللىق جەمئىيەت قۇرۇپ چىقىشتا ئۇلۇغ تارىخىي مۇۋەپپەقىيەتلەر قولغا كەلتۈرۈلدى، نامراتلىقتىن قۇتۇلدۇرۇش ئۆتكىلىگە ھۇجۇم قىلىش ھەل قىلغۇچ جېڭىدە ھەل قىلغۇچ غەلىبە قولغا كەلتۈرۈلدى. بىز ئېغىر نامراتلىق قورغىنىغا ئومۇمىي ھۇجۇم قوزغاپ، يېڭىش ئەڭ تەس بولغان قاتتىق قىيىنچىلىقلارنى يەڭدۇق.» رەئىس شى جىنپىڭنىڭ نامراتلىقتىن قۇتۇلدۇرۇش ئۆتكىلىگە ھۇجۇم قىلىش خىزمىتىنى مۇئەييەنلەشتۈرگەنلىكى ئاپتونوم رايونىمىزدىكى كەڭ كادىرلار، ئاممىنى ناھايىتى زور ئىلھاملاندۇردى. كۆپچىلىك بىردەك مۇنداق بىلدۈردى: رەئىس شى جىنپىڭنىڭ سەمىمىي ئىلھاملاندۇرۇشىنى ئىش قىلىپ نەتىجە يارىتىشتىكى پۈتمەس - تۈگىمەس ھەرىكەتلەندۈرگۈچى كۈچكە ئايلاندۇرۇپ، قەتئىي بەل قويۇۋەتمەيدىغان چىدامچانلىق بىلەن پۇختا، ئەستايىدىل ھالدا غەيرەت قىلىپ ئىشلەپ، يېزا - كەنتلەرنى گۈللەندۈرۈشنىڭ ھەيۋەتلىك گۈزەل يۆگىمە رەسىمىنى تىرىشىپ سىزىپ چىقىمىز.
بىرمۇ ئادەمنىڭ سەپتىن چۈشۈپ قېلىشىغا، قايتا نامراتلىشىپ كېتىشىگە يول قويماسلىق
قاراقاش ناھىيەلىك يېزا ئىگىلىكى، يېزا ئىدارىسى پارتىيە گۇرۇپپىسىنىڭ مۇئاۋىن شۇجىسى، ئىدارە باشلىقى فۇ خاۋ مۇنداق دېدى: 2020 - يىلى قاراقاش ناھىيەسى نامرات ناھىيەلەر قاتارىدىن چېكىنىپ چىقتى. بۇنىڭدىن كېيىن، بىز نامراتلىشىپ كېتىشنىڭ ئالدىنى ئېلىش، قايتا نامراتلىشىپ كېتىش بويىچە كۆزىتىش - ئۆلچەش ۋە ياردەم بېرىش - يۆلەش مېخانىزمىنىڭ يۈرۈشۈشىنى سىجىل يەنىمۇ كۈچەيتىپ، نامراتلىقتىن قۇتۇلدۇرۇش ئۆتكىلىگە ھۇجۇم قىلىش نەتىجىلىرىنى ئومۇميۈزلۈك مۇستەھكەملەيمىز، ئۆستۈرىمىز؛ نامراتلىقتىن قۇتۇلدۇرۇش ئۆتكىلىگە ھۇجۇم قىلىش بىلەن يېزا - كەنتلەرنى گۈللەندۈرۈشنى ئۈنۈملۈك جىپسىلاشتۇرۇشنىڭ كۈچەش نۇقتىسىنى توغرا تېپىپ، كەسىپلەرنى تەرەققىي قىلدۇرۇش ۋە ئىشقا ئورۇنلاشتۇرۇشنى ئىلگىرى سۈرۈش خىزمىتىنى گەۋدىلىك ياخشى ئىشلەپ، يېزا ئىگىلىكىنىڭ يۇقىرى سۈپەتلىك، يۇقىرى ئۈنۈملۈك بولۇشى، يېزا - كەنتلەرنىڭ ئولتۇراقلىشىشقا، كەسىپ بىلەن شۇغۇللىنىشقا باب كېلىشى، دېھقانلارنىڭ باي - باياشات بولۇشىنى تىرىشىپ ئىشقا ئاشۇرىمىز.
«مەن تۇرۇشلۇق كەنتتە <ئىككىدىن غەم قىلدۇرماسلىق، ئۈچتە كاپالەتلەندۈرۈش> ۋە <بەشنى راۋانلاشتۇرۇش، يەتتە بولۇش>نىڭ ھەممىسى ئۆلچەمگە يېتىپ، كىشى بېشى كىرىمى 10 مىڭ يۈەندىن ئاشتى. خۇددى رەئىس شى جىنپىڭ يېڭى يىللىق تەبرىك سۆزىدە ئېيتقاندەك، بىز يېڭىش ئەڭ تەس بولغان قاتتىق قىيىنچىلىقلارنى يەڭدۇق». نامراتلىقتىن قۇتۇلدۇرۇش ئۆتكىلىگە ھۇجۇم قىلىشنىڭ بىرىنچى سېپىدە جاسارەت بىلەن جەڭ قىلىۋاتقان بىر ئەزا بولۇش سۈپىتى بىلەن، ئاپتونوم رايونلۇق سودا نازارىتىدىن يېڭىسار ناھىيەسى يېڭىسار بازىرى قاراقۇز كەنتىدە تۇرۇشلۇق 1 - شۇجى خەن گولۇ مۇنداق بىلدۈردى: «يېڭى ۋەزىيەت، يېڭى ۋەزىپە ئالدىدا، مەن كەنت ئاھالىلىرىنى ئىتتىپاقلاشتۇرۇپ، يېتەكلەپ، بىر نىيەتتە ئويلاپ، بىر مەقسەتتە كۈچ چىقىرىپ، نامراتلىقتىن قۇتۇلدۇرۇش ئۆتكىلىگە ھۇجۇم قىلىش بىلەن يېزا - كەنتلەرنى گۈللەندۈرۈشنى ئۈنۈملۈك جىپسىلاشتۇرۇشنى ئومۇميۈزلۈك ئالغا سىلجىتىپ، بىرمۇ ئادەمنىڭ ئومۇميۈزلۈك ھاللىق جەمئىيەت قۇرۇپ چىقىش يولىدا سەپتىن چۈشۈپ قېلىشىغا، قايتا نامراتلىشىپ كېتىشىگە يول قويمايمەن».
داۋاملىق كۈرەش قىلىش كۈنلەرنى بارغانسېرى ياخشى ئۆتكۈزۈش
كەلپىن ناھىيەسىدىكى ھەر مىللەت كادىرلار، ئامما رەئىس شى جىنپىڭنىڭ يېڭى يىللىق تەبرىك سۆزىنى ئاڭلىغاندىن كېيىن، نامراتلىقتىن قۇتۇلدۇرۇش ئۆتكىلىگە ھۇجۇم قىلىش نەتىجىلىرىنى مۇستەھكەملەش، يېزا - كەنتلەرنى ئومۇميۈزلۈك گۈللەندۈرۈشكە بولغان ئىشەنچى تېخىمۇ ئاشتى.
كەلپىن ناھىيەلىك نامراتلارنى يۆلەش - روناق تاپقۇزۇش رەھبەرلىك گۇرۇپپىسى ئىشخانىسىنىڭ مۇدىرى شيې دىڭيۈەن مۇنداق دېدى: «ھازىر ۋە بۇنىڭدىن كېيىنكى بىر مەزگىلدە، بىز سىجىل كۈچەپ، قايتا نامراتلىشىپ كېتىش، نامراتلىشىپ كېتىشنىڭ ئالدىنى ئېلىش بويىچە كۆزىتىپ ئۆلچەش، ئالدىن سىگنال بېرىش مېخانىزمىنى يەنىمۇ كۈچەيتىپ، نامراتلىقتىن قۇتۇلدۇرۇش ئۆتكىلىگە ھۇجۇم قىلىش نەتىجىلىرىنى مۇستەھكەملەش، كېڭەيتىشنى يېزا - كەنتلەرنى گۈللەندۈرۈش بىلەن ئىدىيەۋى تونۇش، نىشان - ۋەزىپە، خىزمەت تەدبىرى، سىياسەت جەھەتتىن قوللاش، خىزمەت مېخانىزمى جەھەتلەردە ئۈنۈملۈك جىپسىلاشتۇرۇشنى ئىشقا ئاشۇرۇپ، تەرەققىيات ھەرىكەت ئېنېرگىيەسىنى ئۈزلۈكسىز كۈچەيتىپ، يېزا - كەنتلەرنى گۈللەندۈرۈشكە پۇختا قەدەم تاشلايمىز».
«تاڭبالى كەنتى ئىلگىرى نامرات كەنت ئىدى، يېقىنقى يىللاردا نامراتلارنى يۆلەش سالمىقى ئۈزلۈكسىز زورايتىلىپ، كەنتنىڭ يوللىرى كېڭەيدى، يول چىراغلىرى ياندى، كەنت ئاھالىلىرىنىڭ ھەميېنى تومپىيىپ، نامراتلىق بىلەن ئۈزۈل - كېسىل خوشلىشىپ، بېيىش يولىغا ماڭدى.» بۇرۇلتوقاي ناھىيەسى قاراماغاي بازىرى تاڭبالى كەنتىنىڭ 1 - شۇجىسى ۋاڭ جىنشېڭ مۇنداق بىلدۈردى: «تاڭبالى كەنتى چارۋىچىلىق كەنتى، 2021 - يىلى بىز داۋاملىق كۈرەش قىلىپ، سىجىل كۈچ چىقىرىپ چارۋىچىلىقنى تەرەققىي قىلدۇرۇپ، زورايتىپ، كەنت ئاھالىلىرىنىڭ تۇرمۇشىنى بارغانسېرى ياخشىلايمىز».
يېزا - كەنتلەرنى گۈللەندۈرۈشنىڭ يېڭى يولىنى تېپىپ چىقىش
يېقىنقى يىللاردا ئارشاڭ ناھىيەسىنىڭ دالىمتى يېزىسى بۆگدۆر كەنتى بايلىق ئەۋزەللىكىدىن پايدىلىنىپ ئىستىراھەت - ئارام ئېلىش، ئۆرپ - ئادەتنى ھېس قىلىش بىر گەۋدە قىلىنغان يېزا - كەنت ئۆزگىچە ساياھەت كەسىپ زەنجىرى بەرپا قىلىپ، دېھقانچىلىق، چارۋىچىلىق كەنتىدىن داڭلىق ساياھەت كەنتىگە ئايلىنىپ، جۇڭگودىكى ئاز سانلىق مىللەت ئالاھىدىلىكىگە ئىگە كەنت، مەملىكەت بويىچە يېزا - كەنت ساياھەتچىلىكىدىكى نۇقتىلىق كەنت بولۇپ تاللاندى.
«رەئىس شى جىنپىڭ يېڭى يىللىق تەبرىك سۆزىدە يېزا - كەنتلەرنى گۈللەندۈرۈشنىڭ ھەيۋەتلىك گۈزەل يۆگىمە رەسىمىنى تىرىشىپ سىزىپ چىقىش كېرەك، دەپ كۆرسەتتى. بۇ بىزگە بۇنىڭدىن كېيىنكى تىرىشىش يۆنىلىشىمىزنى كۆرسىتىپ بەردى.» بۆگدۆر كەنتى پارتىيە ياچېيكىسىنىڭ شۇجىسى ساۋۇربېك باقىت مۇنداق بىلدۈردى: «بىز مىللىي ئۆرپ - ئادەت مەدەنىيىتىنى چۆرىدەپ ئىش قىلىپ، يېزا - كەنت ساياھەتچىلىكىنى زور كۈچ بىلەن تەرەققىي قىلدۇرۇپ، كەسىپلەر گۈللەنگەن، ئېكولوگىيەسى ئولتۇراقلىشىشقا باب كېلىدىغان، دېھقانلارنى بېيىتىدىغان يېڭى يولنى تېپىپ چىقىمىز».
«2020 - يىلى ساۋەن ناھىيەسى يېزا ئىگىلىكىدە تەمىنات تەرەپلىك قۇرۇلمىلىق ئىسلاھاتنى چوڭقۇر ئالغا سىلجىتىپ، يېزا ئىگىلىكى، يېزا خىزمىتىنىڭ يۇقىرى سۈپەتلىك تەرەققىياتىنى ئىشقا ئاشۇردى.» ساۋەن ناھىيەلىك يېزا ئىگىلىكى - يېزا ئىدارىسىنىڭ ئىدارە باشلىقى تاڭ شىنتاۋ مۇنداق دېدى: «كېيىنكى قەدەمدە، بىز دېھقانلارنىڭ كىرىمىنى ئىمكانىيەتلىك سىجىل ئاشۇرۇشنى نامراتلىقتىن قۇتۇلدۇرۇش ئۆتكىلىگە ھۇجۇم قىلىش، يېزا - كەنتلەرنى گۈللەندۈرۈش ۋە يېزا ئىگىلىكى، يېزىلارنى زامانىۋىلاشتۇرۇشنىڭ پۈتۈن جەريانىغا سىڭدۈرۈپ، يېزا ئىگىلىكىنى كۈچەيتىش، يېزىلارنى گۈزەللەشتۈرۈش، دېھقانلارنى بېيىتىش ئاساسىنى ئۈزلۈكسىز مۇستەھكەملەپ، يېزا - كەنتلەرنى گۈللەندۈرۈشنىڭ ھەيۋەتلىك گۈزەل يۆگىمە رەسىمىنى تىرىشىپ سىزىپ چىقىمىز».
(مۇخبىر رايىدە، قاتناشقان مۇخبىرلار پەرىزات ئابدۇل، جاڭ جىلى، جاڭ تىڭ، سۇڭ ياۋېن)
