9-ئاينىڭ 28-كۈنى، مۇخبىرنىڭ ئاپتونوم رايونلۇق پارتىيە كومىتېتى سىياسىي-قانۇن كومىتېتى، بىڭتۇەن پارتىيە كومىتېتى سىياسىي-قانۇن كومىتېتىدىن ئىگىلىشىچە: مەركىزىي كومىتېت سىياسىي-قانۇن كومىتېتى 9-ئاينىڭ 28-كۈنى 2025__2021-يىللىق تىنچ-ئامان جۇڭگو قۇرۇلۇشىدىكى ئۈلگىلىك شەھەر ۋە ناھىيەلەرگە ۋىۋىسكا تارقىتىپ نام بېرىش توغرىسىدىكى قارارنى ئېلان قىلىپ، 60 شەھەر (ۋىلايەت، ئوبلاست)گە «2025__2021-يىللىق تىنچ-ئامان جۇڭگو قۇرۇلۇشىدىكى ئۈلگىلىك شەھەر» دەپ نام بەرگەن، 160 ناھىيە (شەھەر، رايون)گە «2025__2021-يىللىق تىنچ-ئامان جۇڭگو قۇرۇلۇشىدىكى ئۈلگىلىك ناھىيە» دەپ نام بەرگەن. بۇنىڭ ئىچىدە شىنجاڭ (بىڭتۇەننىمۇ ئۆز ئىچىگە ئالىدۇ)دىن 12 جاي تىزىملىككە كىرگەن.
شەرەپ بىلەن «2025__2021-يىللىق تىنچ-ئامان جۇڭگو قۇرۇلۇشىدىكى ئۈلگىلىك شەھەر» نامىغا ئېرىشكىنى قاراماي شەھىرى، تارباغاتاي ۋىلايىتى ۋە بىڭتۇەن 7-شى خۇياڭخې شەھىرىدىن ئىبارەت؛ شەرەپ بىلەن «2025__2021-يىللىق تىنچ-ئامان جۇڭگو قۇرۇلۇشىدىكى ئۈلگىلىك ناھىيە» نامىغا ئېرىشكىنى بۇرچىن ناھىيەسى، ئۈرۈمچى ئىقتىساد-تېخنىكا تەرەققىيات رايونى (تۇدۇڭخابا رايونى)، لوپ ناھىيەسى، فۇكاڭ شەھىرى، مەكىت ناھىيەسى، بىڭتۇەن 1-شى ئارال شەھىرى 7-تۇەن، 5-شى شۇاڭخې شەھىرى 81-تۇەن، 14-شى كۇنيۈ شەھىرى 1-چارۋىچىلىق مەيدانى، 10-شى بېيتۈن شەھىرى 186-تۇەندىن ئىبارەت.
يېقىنقى يىللاردىن بۇيان، ئاپتونوم رايون ۋە بىڭتۇەندىكى ھەرقايسى جايلار ۋە ھەرقايسى تارماقلار شى جىنپىڭ يېڭى دەۋر جۇڭگوچە سوتسىيالىزم ئىدىيەسىنى يېتەكچى قىلىشتا چىڭ تۇرۇپ، پارتىيە 20-قۇرۇلتىيى ۋە 20-نۆۋەتلىك مەركىزىي كومىتېتنىڭ ھەر قېتىملىق ئومۇمىي يىغىنىنىڭ روھىنى ئومۇميۈزلۈك ئىزچىللاشتۇرۇپ، شى جىنپىڭ قانۇنچىللىق ئىدىيەسى، ئومۇمىي دۆلەت خەۋپسىزلىكى قارىشىنى چوڭقۇر ئۆگىنىپ، ئىزچىللاشتۇرۇپ، باش شۇجى شى جىنپىڭنىڭ تىنچ-ئامان جۇڭگو قۇرۇلۇشى توغرىسىدىكى مۇھىم بايانلىرىنىڭ روھىنى ئۆگىنىپ، ئىزچىللاشتۇرۇپ، يېڭى دەۋردىكى «فېڭچياۋ تەجرىبىسى»دە چىڭ تۇرۇپ ۋە ئۇنى راۋاجلاندۇرۇپ، جەمئىيەت ئامانلىقى بويىچە ئومۇميۈزلۈك ئالدىنى ئېلىش-تىزگىنلەشنى كۈچەيتىپ، جەمئىيەت ئومۇمىيىتىنىڭ بىخەتەر، مۇقىم بولۇشىنى ساقلاپ، خەلق ئاممىسىنىڭ ئېرىشىش تۇيغۇسى، بەخت تۇيغۇسى، بىخەتەرلىك تۇيغۇسىنى كۆرۈنەرلىك كۈچەيتتى.
«شىنجاڭ گېزىتى» ۋېيشىن ئاممىۋى سۇپىسىدىن ئېلىپ تەرجىمە قىلىندى
