مەنبە: تىيانشان تورى-شىنجاڭ گېزىتى ئىجادىيىتى
تىيانشان تورى-شىنجاڭ گېزىتى مۇخبىرى جەزىرە نىسبېك
8-ئاينىڭ 25-كۈنى، 2026-يىللىق «شىنجاڭنى بوشلۇقتىن سۈرەتكە تارتىش» چوڭ تىپتىكى زىيارەت پائالىيىتىدىكىلەر قاغىلىق ناھىيەسىنىڭ ئاقتاش بازىرى __ شىنجاڭدىكى ئەڭ چوڭ باشقا جايغا كۆچۈرۈپ ئولتۇراقلاشتۇرۇش رايونىغا كىردى، كۆز ئالدىدىكى ئۆزگىرىشلەر زىيارەت ئۆمىكىدىكى ھەربىرەيلەننى تولىمۇ ھەيران قالدۇردى.
2019-يىلى، چوپان يېزىسى، كۆكيار يېزىسى قاتارلىق جايلاردىكى 14 مىڭ ئامما تاغلىق رايوندىكى تۇرمۇش بىلەن خوشلىشىپ بۇ جايغا كېلىپ، يېپيېڭى تۇرمۇشىنى باشلىدى. يەتتە يىل كۆزنى يۇمۇپ-ئاچقۇچە ئۆتۈپ كەتتى، ئىلگىرىكى چۆل-جەزىرە ھاياتىي كۈچى ئۇرغۇپ تۇرغان يېڭى شەھەرگە ئايلاندى. كەسىپلەر باغچە رايونى ئەمەلىيلىشىپ يىلتىز تارتتى، ئەسلىھەلىك يېزا ئىگىلىكى جۇش ئۇرۇپ راۋاجلاندى، ئۆزگىچە باغ-ئورمانچىلىق كەسپى كۆلەملىشىپ راۋاجلاندى، كىرىمنى ئاشۇرۇش يوللىرى كۆچۈپ كەلگەن ئاممىنىڭ بېيىش ئۈمىدىنى ئاشۇردى؛ مەكتەپلەردە جاراڭلىق كىتاب ئوقۇغان ئاۋازلار ياڭرىدى، يېقىن ئەتراپتىلا شىپاخانا مۇلازىمىتى بار بولدى، ئەمىن ئۆيلەر قاتار-قاتار گىرەلەشتى، مۇكەممەل ئاممىۋى ئەسلىھەلەر كۆچۈپ كەلگەن ئاممىنىڭ كۆچۈپ چىقالايدىغان، مۇقىم تۇرالايدىغان، بېيىيالايدىغان بولۇشىنى ھەقىقىي ئىشقا ئاشۇرۇپ، چۆل-جەزىرىگە ئولتۇراقلىشىشقا، خۇشال-خۇرام ئىشلەشكە ماس كېلىدىغان بەختلىك ماكان قۇرۇلدى.
8-ئاينىڭ 25-كۈنى بوشلۇقتىن سۈرەتكە تارتىلغان ئاقتاش بازىرى ئىشقا ئورۇنلاشتۇرۇش كەسىپلەر باغچىسى. جېڭ تيەن فوتوسى
8-ئاينىڭ 25-كۈنى بوشلۇقتىن سۈرەتكە تارتىلغان ئاقتاش بازىرىنىڭ مەركەزلىك تۇتاش كەتكەن ئەسلىھەلىك يېزا ئىگىلىكى. جېڭ تيەن فوتوسى
8-ئاينىڭ 25-كۈنى بوشلۇقتىن سۈرەتكە تارتىلغان ئاقتاش بازىرىدىكى قاتار كەتكەن ئەمىن ئۆيلەر. جېڭ تيەن فوتوسى
8-ئاينىڭ 25-كۈنى بوشلۇقتىن سۈرەتكە تارتىلغان ئاقتاش بازارلىق بەييۈ مەكتىپى. جېڭ تيەن فوتوسى
