يازلىق تەتىل كىرگەندىن بۇيان، نۇرغۇن ئاھالە كۇتۇپخانا، كىتاب باغچىسى ۋە ئەمەلىي كىتابخانىلارغا بېرىپ، يازلىق تەتىلنى كىتاب ئوقۇش ئىچىدە ئۆتكۈزدى، قۇتۇبى ناھىيەسىدىكى تۈرلۈك كىتاب ئوقۇش بازىلىرىدا يازلىق تەتىلدە ئادەم ئېقىمى سىجىل ئاشتى.
ئاھالىلەر كۇتۇپخانىدا كىتاب ئوقۇماقتا، ئۆگىنىش قىلماقتا.
7-ئاينىڭ 30-كۈنى، قۇتۇبى ناھىيەسى سۈيخۇ كىتاب باغچىسى كىتاب ئوقۇيدىغان، ئۆگىنىش قىلىدىغان بالىلار ۋە ئاتا-ئانىلار بىلەن لىق تولدى، كىتاب جازىلىرى يېنىدىكى كىتاب ئوقۇش بۇلۇڭلىرىدا نۇرغۇن ئوقۇغۇچىلار ھەمراھلىرى بىلەن كىتاب ئوقۇش تەسىراتى توغرىسىدا پىكىر ئالماشتۇرۇۋاتاتتى.
قۇتۇبى ناھىيەسىدىكى ئوقۇغۇچى ما بوشۈەن مۇنداق دېدى: ساۋاقداشلىرىم بىلەن ھەر كۈنى سۈيخۇ كىتاب باغچىسىغا كېلىپ تاپشۇرۇق ئىشلەيمەن، دەرستىن سىرتقى كىتابلارنى كۆرىمەن. بۇ يەر سالقىن بولۇپلا قالماي، يەنە ئادەتتە مەن كۆرۈپ باقمىغان نۇرغۇن دەرستىن سىرتقى كىتابلار بار، ئالدىنقى ھەپتە مەن يەنە كىتاب ئوقۇشقا قىزىقىدىغان نۇرغۇن يېڭى دوستلار بىلەن تونۇشتۇم، مېنىڭچە بۇ يازلىق تەتىل بەك مەنىلىك ئۆتتى.
ئاھالىلەر كۇتۇپخانىدا كىتاب ئوقۇماقتا.
قۇتۇبى ناھىيەلىك شىنخۇا كىتابخانىسى كىتاب جازىلىرىنى تۈرگە ئايرىشنى ئەلالاشتۇرۇپ، ياش-ئۆسمۈرلەر مەخسۇس ئوقۇش رايونىنى كۆپەيتىپ تەسىس قىلدى ھەم كىتاب سېتىۋېلىشتا ئېتىبار بېرىش ۋە باش تېمىلىق كىتاب ئوقۇش پائالىيىتىنى يولغا قويدى. بۇ يىل كىتابخانا سەككىز تۈرلۈك ھەقسىز كىتاب ئوقۇش باش تېما پائالىيىتىنى پىلانلىغان بولۇپ، پۈتۈن ياش باسقۇچىدىكى ئاممىنى قاپلىدى، بۇنىڭ ئىچىدە «21 كۈن كىتاب ئوقۇپ داكا قىلىش» پائالىيىتى قىزغىن ئالقىشقا ئېرىشتى، ئوقۇرمەنلەر ئۇدا 21 كۈن كىتاب ئوقۇش خاتىرىسىنى تاماملىسا، كىتابخانا سوۋغا قىلغان كىتاب ۋە مەدەنىيەت ئىجادىيەت سوۋغىتىغا ئېرىشەلەيتتى. كىتاب ئوقۇشتىن تەڭ بەھرىمەن بولۇش قاتارلىق ئالاھىدە پائالىيەتلەرمۇ ئارقا-ئارقىدىن قانات يايدۇرۇلدى.
قۇتۇبى ناھىيەسىدىكى ئوقۇغۇچى ۋاڭ جيايى مۇنداق دېدى: «بۇ يازلىق تەتىلدە مەن ھەر كۈنى شىنخۇا كىتابخانىسىغا كېلىپ داكا قىلدىم، ھەر كۈنى بۇ يەردە يېرىم سائەت ئەتراپىدا كىتاب ئوقۇيمەن، بۈگۈن 21-كۈنى، شىنخۇا كىتابخانىسىدا ھازىر يەتتە كۈن، 14 كۈن، 21 كۈن داكا قىلساق سوۋغاتقا ئېرىشەلەيمىز. بۇ يازلىق تەتىلدە مەن ھەم ئوقۇشنى داۋاملاشتۇردۇم، ھەم ئېرىشمەكچى بولغان سوۋغاتقا ئېرىشتىم، تەتىل كۈنلىرىم ناھايىتى مول ئۆتمەكتە.
قۇتۇبى ناھىيەلىك شىنخۇا كىتابخانىسى دۇكىنىنىڭ مۇدىرى لى ۋېنخۇي تونۇشتۇرۇپ مۇنداق دېدى: «ھازىر كۈندىلىك ئادەم ئېقىمى كۆرۈنەرلىك ئېشىۋاتىدۇ، بىز كۆڭۈل قويۇپ دۇكانغا كىتاب ئوقۇش رايونى ئورۇنلاشتۇردۇق، شۇنىڭ بىلەن بىللە بىر قاتار پائالىيەتلەرنى يولغا قويدۇق ھەمدە بارلىق كىتابلارنىڭ باھاسىنى 40 پىرسەنت چۈشۈردۇق، يەنە باھادا يەنىمۇ كەچۈرۈم قىلىشنىمۇ يولغا قويدۇق. تېخىمۇ كۆپ ياش-ئۆسمۈرنىڭ كىچىكىدىن باشلاپ كىتاب ئوقۇشنى ياخشى كۆرىدىغان، ياخشى كىتابلارنى ئوقۇيدىغان ئادەتنى يېتىلدۈرۈشىنى، شۇنىڭ بىلەن بىللە، كىتابنى ۋاسىتە قىلىپ، كىتاب ئوقۇش كەيپىياتىنى ھەر مىللەت ئاممىنىڭ ئارىلىشىش، ئالماشتۇرۇش، يۇغۇرۇلۇشنى ئىلگىرى سۈرىدىغان ئىللىق ۋاسىتىگە ئايلاندۇرۇشىنى ئۈمىد قىلىمەن».
بۇ يازلىق تەتىلدە قۇتۇبى ناھىيەسىنىڭ كىتاب ئوقۇشقا ئالاقىدار پائالىيەتلىرىنىڭ مەزمۇنى مول، قاپلاش دائىرىسى كەڭ بولدى. ناھىيەلىك پارتىيە كومىتېتى تەشۋىقات بۆلۈمى بىلەن ناھىيەلىك كۇتۇپخانا بىرلىشىپ قانات يايدۇرغان «مەن يېڭى دەۋر مەدەنىيلىك ئەمەلىيىتى مەركىزىدە يازلىق تەتىلنى ئۆتكۈزىمەن» باش تېمىسىدىكى يۈرۈشلۈك پائالىيەت بەش مەيدان ئۆتكۈزۈلدى، پائالىيەتكە 300دىن كۆپ ئادەم قېتىم قاتناشتى، بۇ پائالىيەت ئاتا-ئانىلار ۋە بالىلار بىللە ئوقۇش، كىلاسسىك شېئىرلارنى بىللە ئوقۇش، غەيرىي ماددىي مەدەنىيەت مىراسلىرى ئوقۇتۇشى، كىتاب ئوقۇپ داكا قىلىشتا بەسلىشىش مۇسابىقىسى قاتارلىق مەزمۇنلارنى ئۆز ئىچىگە ئالغان بولۇپ، ئوخشاش بولمىغان ياش باسقۇچىدىكى ئاممىنى قاپلىدى.
قۇتۇبى ناھىيەلىك يۇغۇرما تاراتقۇ مەركىزىنىڭ مۇخبىرى فېڭ زىۋېي، پىراكتىكانت جېڭ ياۋېن، ئىختىيارىي مۇخبىر لىن جېنجۈەن
مەنبە: قۇتۇبى ناھىيەلىك يۇغۇرما تاراتقۇ مەركىزى
