7-ئاينىڭ 6-كۈنى، يېزا-كەنتلەرنى گۈللەندۈرۈشتىكى ئۈلگە كەنت ــــــ قوشتولغاي بازىرى خېسۇتۇ كەنتىدە تېرىلغان تۈرلۈك ئىقتىسادىي زىرائەتلەرگە بوشلۇقتىن نەزەر.
تىيانشان تورى-شىنجاڭ گېزىتى خەۋىرى (مۇخبىر زوۋ يى خەۋىرى، فوتوسى) 7-ئاينىڭ 6-كۈنى، 2026-يىللىق «شىنجاڭنى بوشلۇقتىن سۈرەتكە تارتىش» چوڭ تىپتىكى زىيارەت پائالىيىتى قۇبۇقسار موڭغۇل ئاپتونوم ناھىيەسىنىڭ قوشتولغاي بازىرى، چاغانكۆل يېزىسى ۋە شازغەت يېزىسىغا كېلىپ، خۇرۇم بۇيۇملار ئىشخانىسى، يۈلۇ نەشپۈتى سەھرا ئۇنىۋېرسال گەۋدىسى، يېزا-كەنتلەرنى گۈللەندۈرۈشتىكى ئۈلگە كەنتنى زىيارەت قىلىپ، سۈرەتكە تارتىپ، شۇ جاينىڭ يېزا-كەنت كەسىپلىرى تەرەققىيات مەنزىرىسىنى خاتىرىلىدى.
7-ئاينىڭ 6-كۈنى، چاغانكۆل يېزىسى جاڭگىن كۆك كەنتىدىكى خۇرۇم بۇيۇملار ئىشخانىسىنىڭ مەسئۇلى جېرىنتا پۇرېنجاپ خۇرۇم بۇيۇملارنى ياسىماقتا.
يېقىنقى يىللاردىن بۇيان، بۇ ناھىيەدىكى ھەرقايسى يېزا-بازارلار شىنجاڭغا ياردەم بېرىش مەبلىغى، بىڭتۇەن بىلەن يەرلىك ئورتاق قۇرۇش، ئالىي مەكتەپلەرنىڭ يېزا ئىگىلىك پەن-تېخنىكىسى مەدىتىگە تايىنىپ، شارائىتقا قاراپ ئىش كۆرۈپ، كۆپ خىل خاس كەسىپ ھالىتىنى يېتىلدۈرۈپ، يېزا-كەنتلەرنى گۈللەندۈرۈشكە پۇختا قەدەم ئالغا سىلجىتىپ، دېھقان-چارۋىچىلارنىڭ كىرىمىنى سىجىل ئاشۇرۇشىغا تۈرتكە بولدى.
7-ئاينىڭ 6-كۈنى، تېرىقچىلىق ئائىلىسى شازغەت يېزىسىدىكى يۈلۇ نەشپۈتى پارنىكىدا شاخلارنى چاتىماقتا.
قول ھۈنەر-سەنئەت، ئەسلىھەلىك مېۋە-كۆكتات، خاس تېرىقچىلىققا تەڭ كۈچەش ئارقىلىق، پۈتۈن ناھىيە كۆپ نۇقتىدىن تىرەك بولغان يېزا-كەنت كەسىپ ئەندىزىسىنى بەرپا قىلىپ، دېھقان-چارۋىچىلارنى ئىشىكى ئالدىدىلا ئىشقا ئورۇنلىشىپ كىرىمىنى ئاشۇرۇش ئىمكانىيىتىگە ئىگە قىلدى.
7-ئاينىڭ 6-كۈنى، ساياھەتچى چاغانكۆل يېزىسى گۈرى خۇرۇم بۇيۇملار ئىشخانىسىنىڭ خۇرۇم بۇيۇملىرىدىن ئىگەر تاللاپ سېتىۋالماقتا.
7-ئاينىڭ 6-كۈنى، چاغانكۆل يېزىسى جاڭگىن كۆك كەنتىدىكى خۇرۇم بۇيۇملار ئىشخانىسىنىڭ مەسئۇلى جېرىنتا پۇرېنجاپ خۇرۇم بۇيۇملارنى ياسىماقتا.
7-ئاينىڭ 6-كۈنى، چاغانكۆل يېزىسى جاڭگىن كۆك كەنتىنىڭ پۈتۈن كۆرۈنۈشى.
