بۇ يىلدىن بۇيان، پىيالما يېزىسى مېۋىلىك دەرەخلەرنى پەرۋىش قىلىش-ئاسراش مەخسۇس تېمىلىق تەربىيەلەشتىن جەمئىي 20 مەيدان قېتىم ئۆتكۈزدى، ئانار ئۆستۈرۈش كۆلىمى بۇلتۇرقىدىن 1600 مو ئاشتى.
يېقىندا گۇما ناھىيەسىنىڭ پىيالما يېزىسىدىكى 24 مىڭ مو ئانارلىق راسا چېچەكلەش مەزگىلىنى كۈتۈۋالدى، تۇتاش كەتكەن باغلار ئانارگۈلى بىلەن قاپلىنىپ، يېشىللىققا پۈركەندى. ھاۋانىڭ ئوچۇق ۋاقتىدىن پايدىلىنىپ، تېرىقچىلىق ئائىلىلىرى ئىنچىكە پەرۋىش قىلىشنى چىڭ تۇتۇپ، پۈتۈن زېھنى بىلەن چېچەكلەش ۋە مېۋىلەشكە كاپالەتلىك قىلىپ، ئاناردىن مول ھوسۇل ئېلىپ كىرىمنى ئاشۇرۇش ئاساسىنى مۇستەھكەملىدى. يېقىنقى يىللاردىن بۇيان، پىيالما يېزىسى سۇ، تۇپراق، يورۇقلۇق، ئىسسىقلىق بايلىقىغا تايىنىپ، ئانار كەسپىنى خەلقنى بېيىتىشتىكى تۈۋرۈك كەسىپكە ئايلاندۇردى. يېزا يېزا ئىگىلىك تېخنىكلىرىنى ئېتىز باشلىرىغا چوڭقۇر چۆكۈشكە دائىملىق تەشكىللەپ، تېرىقچىلىق ئائىلىلىرىنىڭ ئىلمىي پەرۋىش قىلىش، ئۆستۈرۈش ئەندىزىسىنى ياخشىلاشقا يۈزتۇرا، قولمۇقول يېتەكچىلىك قىلىپ، ئانارنى ئۆلچەملەشتۈرۈپ ئۆستۈرۈش سەۋىيەسىنى سىجىل ئۆستۈردى. (خوتەن ۋىلايەتلىك يۇغۇرما تاراتقۇ مەركىزى مۇخبىرى ئادىلە، ئىختىيارىي مۇخبىر ئابدۇمىجىت)
