ئىشسىزلىق سۇغۇرتىسى پۇلى ئېلىۋاتقان مەزگىلىدە شەھەر- يېزا ئاھالىسى داۋالىنىش سۇغۇرتىسىغا قاتناشقان بولسا، ئىشسىزلىق سۇغۇرتىسى پۇلى تارقىتىشنى توختىتىپ قويۇشنى كەلتۈرۈپ چىقارمايدۇ.
بەلگىلىمىگە ئاساسەن، ئىشسىز خادىملار ئىشسىزلىق سۇغۇرتىسى پۇلى ئېلىۋاتقان مەزگىلدە، ئىشسىزلىق سۇغۇرتىسى فوندى شەھەر- بازارلاردىكى ئىشچى- خىزمەتچىلەرنىڭ ئاساسىي داۋالىنىش سۇغۇرتىسى (تۇغۇت سۇغۇرتىسىنىمۇ ئۆز ئىچىگە ئالىدۇ) ھەققىنى بىر تۇتاش ۋاكالىتەن تاپشۇرىدۇ، شەخسلەر ھەق تاپشۇرمىسىمۇ بولىدۇ ھەمدە بەلگىلىمە بويىچە سۇغۇرتىغا قاتناشقان ئىشچى- خىزمەتچىلەر بىلەن ئوخشاش داۋالىنىش كاپالىتى تەمىناتىدىن بەھرىمەن بولىدۇ، ئۆزى شەھەر- يېزا ئاھالىلىرىنىڭ داۋالىنىش سۇغۇرتىسىغا قاتناشمىسىمۇ بولىدۇ.
ئىشسىزلىق سۇغۇرتىسى فوندى ۋاكالىتەن تاپشۇرغان ئىشچى- خىزمەتچىلەرنىڭ داۋالىنىش سۇغۇرتا ھەققىنىڭ ھېساباتقا ئوڭۇشلۇق كىرىشى، داۋالىنىش سۇغۇرتىسى تەمىناتىنىڭ يوچۇقسىز جىپسىلاشتۇرۇلۇشىغا كاپالەتلىك قىلىش ئۈچۈن، شەھەر- يېزا ئاھالىلىرىنىڭ داۋالىنىش سۇغۇرتىسىنى سېتىۋالغان ئىشسىز خادىملار ۋاقتىدا داۋالىنىش سۇغۇرتىسىنى بېجىرىش ئاپپاراتىغا بېرىپ ياكى تور يولى ئارقىلىق شەھەر- يېزا ئاھالىلىرىنىڭ داۋالىنىش سۇغۇرتىسىنى ۋاقىتلىق توختىتىش رەسمىيىتىنى بېجىرىپ، تەكرار سۇغۇرتىغا قاتنىشىش سەۋەبىدىن ۋاكالىتەن تاپشۇرۇشنىڭ مەغلۇپ بولۇشىدىن ساقلىنىشى كېرەك.
پايدىلانغان مەنبە: ئادەم كۈچى بايلىقى ۋە ئىجتىمائىي كاپالەت مىنىستىرلىقى ۋېيشىن ئاممىۋى سۇپىسى
