جانىۋار ئويغىنىش مەۋسۇمىدا بىلەن ھاۋا ئىللىپ، قار-مۇزلار ئېرىدى، يېقىنقى كۈنلەردىن بۇيان، شىنجاڭدىكى نۇرغۇن قار تېيىلىش مەيدانلىرى ۋە قار-مۇز مەيدانلىرى تىجارەتنى توختىتىش ئۇقتۇرۇشى چىقىرىپ، دەم ئېلىش مەزگىلىگە رەسمىي كىردى.
ئالاقىدار ئۇقتۇرۇشقا ئاساسلانغاندا، كۈنەس ناھىيەسىگە جايلاشقان نارات خەلقئارا قار تېيىلىش مەيدانى، سانجى شەھىرى نۇرجا قار تېيىلىش مەيدانى 3-ئاينىڭ 9-كۈنى تىجارەتنى رەسمىي توختىتىدىكەن؛ دۆربىلجىن ناھىيەسىدىكى ئېمىل قار تېيىلىش مەيدانى 3-ئاينىڭ 8- كۈنى تاقىلىپ، بۇ يىللىق تىجارەتنى توختىتىپ دەم ئېلىش ھالىتىگە كىرىدىكەن؛ قومۇل يۈخا سۇڭشۇتاڭ قار تېيىلىش مەيدانى 3-ئاينىڭ 6-كۈنىدىن باشلاپ رەسمىي تاقىلىپ، قار تېيىلىشنى توختىتىدىكەن.
3-ئاي كىرگەندىن بۇيان، ئۈرۈمچى شەھىرى شىمىگۇ رايونى شىرىنزىگۇغا جايلاشقان شىنجاڭ خوڭشۇلىن خەلقئارا قار تېيىلىش ئارامگاھى، سانجى شەھىرى قار-مۇز دۇنياسى، ئاتۇش تيەنمېن قار تېيىلىش مەيدانى، قاراماي شەھىرى جىنلۇڭخۇ قار-مۇز باغچىسى ۋە تىيانشان بوغدا كۆلى مەنزىرە رايونىنىڭ مۇز ئۈستى كۆڭۈل ئېچىش تۈرى، شىنجاڭ تىيانشان بوغدا كۆلى خەلقئارا قار تېيىلىش مەيدانىنىڭ كېچىلىك مەيدانلىرى ئارقا-ئارقىدىن تىجارەتنى توختاتتى.
2-ئاينىڭ 19-كۈنى، ساياھەتچىلەر يىپەك يولى تاغلىق ئىستىراھەت رايونىدا قار تېيىلىش بويىچە سۈرئەت ۋە قايناق ھېسسىياتنى ھېس قىلماقتا. ئانار بۇلۇت\شىنجاڭ گېزىتى مۇخبىرى چىن پېڭ فوتوسى
نۆۋەتتە، ئۈرۈمچىدىكى يىپەك يولى تاغلىق ئىستىراھەت رايونى، بەييۈن خەلقئارا قار تېيىلىش مەيدانى قاتارلىقلار، ئالتاي ۋىلايىتىدىكى جياڭجۈنشەن خەلقئارا قار تېيىلىش ئارامگاھى، كۆكتوقاي خەلقئارا قار تېيىلىش ئىستىراھەت رايونى قاتارلىقلار، ئىلى ئوبلاستىدىكى نارات قېيىنساي قار تېيىلىش مەيدانى، فۇشوۋشەن قار تېيىلىش مەيدانى قاتارلىق قار تېيىلىش مەيدانلىرى يەنىلا تىجارەت قىلىۋاتىدۇ، كونكرېت تىجارەت توختىتىش ۋاقتى ھاۋارايى ئەھۋالىغا قاراپ بېكىتىلىدۇ، ئادەتتە 3-ئاينىڭ ئوتتۇرىلىرى ۋە ئاخىرىلىرىدىن 4-ئاينىڭ ئوتتۇرىلىرى ۋە ئاخىرىلىرىغىچە بولىدۇ.
