2025-يىلىدىكى تۇنجى رومانتىكىلىق سامانيولىدىن كەلگەن، 2025-يىلىدىكى تۇنجى ئاقار يۇلتۇز كېچە ئاسمىنىنى كېسىپ ئۆتكەندىن باشلاپ، شىنجاڭدىكى تۆت پەسىلنىڭ ئالمىشىشى كۆز ئالدىمىزدا ئاجايىپ گۈزەل بىر پارچە مەنزىرە بولۇپ يېيىلدى.
بىز ئاق قۇلارنىڭ قىشتا ئاقسۇدىكى مۇز يۈزىنى يېرىپ ئۈزگەنلىكىنى، تاشلارنىڭ تولىدىكى تاغ جىلغىسىدا رەڭدار «مەڭگۈ سۇلماس گۈل» بولۇپ ئېچىلغىنىنى كۆرگەن. بىز لوپنۇر كۆلىنىڭ ھاياتلىق چەكلەنگەن رايوندىن قايتا ھاياتلىققا ئېرىشىپ زۇمرەتتەك دولقۇنلار جىمىرلاپ تۇرغان گۈزەل جايغا ئايلانغانلىقىنى كۆردۇق، بىز يەنە ناراتتىكى ئۆرۈك چېچەكلىرى «يامغۇرى»دىكى تاساددىپىي ئۇچرىشىشتىن مەستخۇش بولدۇق.
5-ئايدىكى يامغۇر، ئۈرۈمچى ئاسمىنىنى پاكىز يۇيۇپلا قالماي، جامبۇلاقتىكى بۇغداي باشاقلىرىنى يېشىل رەڭگە كىرگۈزدى؛ تومۇز يازدىكى باغراش كۆلىدە، سۇ دولقۇنلىرى ئالتۇن رەڭلىك قۇملار بىلەن بىرلىكتە گۈزەل سىمفونىيەنى ياڭراتتى؛ كۈز شامىلى سىيپاپ ئۆتۈپ، قۇملۇقتىكى توغراقلار ئالتۇن ساۋۇت كىيگەندە، ھەربىر تال يوپۇرماق خۇددى ھاياتلىقنىڭ شانلىق ۋە ئۆچمەس نۇرىنى چاقنىتاتتى.
يىل ئاخىرىدا، قىروۋلار تۈمەن چاقىرىملىق تاغ باغرىنى كۈمۈش رەڭگە كىرگۈزگەندىلا، بىز شىنجاڭنىڭ قىش پەسلىنىڭ بىر مەيدان پاكلىق بىلەن پۈتۈلگەن كاتتا مەرىكە ئىكەنلىكىنى بايقىدۇق.
بىز تۆت پەسىلنىڭ ئاجايىپ گۈزەل ۋە كىشىنى ھەيران قالدۇرىدىغان مىنۇتلىرىنى، «سۈرەتتىكى شىنجاڭ»دىكى ۋاقىت كالىندارىغا كىرگۈزدۇق. 2026-يىلى، «سۈرەتتىكى شىنجاڭ» يەنىلا سىز بىلەن بىللە تېخىمۇ جانلىق، تېخىمۇ ھەيۋەتلىك، تېخىمۇ نازۇك شىنجاڭ بىلەن ئۇچرىشىدۇ.
«学习强国»دىن ئېلىپ تەرجىمنە قىلىندى
