«سەنجيۇ» كىردى! ئۈرۈمچىنىڭ تېمپېراتۇرىسى تېز تۆۋەنلەمدۇ؟

ماتېرىيال سۈرەت. ئانار بۇلۇت\شىنجاڭ گېزىتى مۇخبىرى سۈي داۋشېڭ فوتوسى

   «دۆلىتىمىزنىڭ يېرى كەڭ،‹سەنجيۇدا قەھرىتان سوغۇق بولۇش›تەك كىلىمات قانۇنىيىتى ھەرقايسى جايلارغا تامامەن ماس كېلىۋەرمەيدۇ.» ئۈرۈمچى شەھەرلىك مېتېئورولوگىيە ئىستانسىسىنىڭ باشلىقى گۇڭ خېڭرۇي مۇنداق دېدى: بۇ يىلقى تۆۋەن تېمپېراتۇرىلىق ھاۋارايى «سەنجيۇ» مەزگىلىگە مەركەزلىشەمدۇ-يوق، بۇنى يەنە ھەر ھەپتىدە ئۇدۇللۇق ھۆكۈم قىلىشقا توغرا كېلىدۇ. كۆزىتىش سانلىق مەلۇماتىدىن قارىغاندا، بۇلتۇر 11-ئاينىڭ ئوتتۇرىلىرىدىن ھازىرغىچە، ئۈرۈمچىدە تېمپېراتۇرا ئومۇمىي جەھەتتىن سەل يۇقىرى بولۇش ھالىتى كۆرۈلگەن، 2025-يىل 1-ئاينىڭ 8-كۈنىدىكى ئوخشاش مەزگىلدىكى تېمپېراتۇرىغا سېلىشتۇرغاندا، ئۈرۈمچىنىڭ شۇ كۈندىكى ئەڭ تۆۋەن تېمپېراتۇرىسى ℃12-، ئەڭ يۇقىرى تېمپېراتۇرىسى ℃4.3- بولۇپ، بۇ يىل شۇ كۈندىكى تېمپېراتۇرا بىلەن بولغان پەرقى چوڭ ئەمەس.

«سەنجيۇ»دىن ئىبارەت بۇ قەھرىتان سوغۇق مەزگىلدە

زۇكام، بوغۇم ئاغرىش

بويۇن ئومۇرتقىسى كېسىلى ھەمدە يۈرەك، مېڭە قان تومۇر كېسەللىكلىرى قاتارلىق

ساغلاملىق مەسىلىلىرى ئاسانلا كۆرۈلىدۇ

ئەڭ مۇھىم ۋەزىپە ئىسسىق ساقلاش تەدبىرلىرىنى ياخشى ئىشلەش

بولۇپمۇ باشنى ئىسسىق ساقلاشقا ئالاھىدە دىققەت قىلىش

مۈرە، بويۇن ۋە پۇت قاتارلىق ئاسان سوغۇق ئۆتۈپ قالىدىغان جايلارغىمۇ

ھەسسىلەپ كۆڭۈل بۆلۈش ۋە ئۇنى ئاسراش كېرەك

بۇنىڭدىن باشقا مېتېئورولوگىيە تارماقلىرى

يېقىندا تۇمانلىق ھاۋارايىنىڭ كۆرۈلىدىغانلىقىنى

ئاممىنىڭ سىرتقا چىققاندا قاتناش بىخەتەرلىكىگە دىققەت قىلىپ

ئېھتىيات بىلەن ئاپتوموبىل ھەيدىشى كېرەكلىكىنى ئالاھىدە ئەسكەرتتى