12-ئاينىڭ 15-كۈنى، لوپ ناھىيەسىنىڭ چارباغ بازىرى جايتوغراق كەنتىدىكى لوپ ناھىيەسى تەۋەررۈك قول ھۈنەر-سەنئەت بۇيۇملىرى كەسپىي ھەمكارلىق كوپىراتىپىدا، خىزمەتچىلەر چوڭ تىپتىكى مىس قول ھۈنەر-سەنئەت بۇيۇملىرىنى جىددىي ياساش بىلەن ئالدىراش ئىدى. بۇ ھەمكارلىق كوپىراتىپى 2017-يىلى قۇرۇلغان بولۇپ، مىس بۇيۇملارنى ياساش ھۈنەر-سەنئىتىگە ۋارىسلىق قىلىش ۋە كەسىپلەرنى تەرەققىي قىلدۇرۇش يوشۇرۇن كۈچىنى چوڭقۇر قېزىپ، نۆۋەتتە 40 نەچچە تۈردىكى مىس قول ھۈنەر-سەنئەت بۇيۇملىرىنى ئىشلەپچىقىرىدىغان بولدى، مەھسۇلاتلىرى ئۈرۈمچى، قەشقەر، تيەنجىن قاتارلىق جايلاردا بازار تاپتى. بۇ، ئەنئەنىۋى مىس ھۈنەر-سەنئەت بۇيۇملىرىنىڭ يېڭى ھاياتىي كۈچىنى ئۇرغۇتۇپلا قالماي، تېخىمۇ مۇھىمى ئاممىنىڭ ئىشىكى ئالدىدىلا ئىشقا ئورۇنلىشىپ كىرىمىنى ئاشۇرۇشىغا تۈرتكە بولۇپ، «بارماق ئۇچى ھۈنەر-سەنئىتى» ئارقىلىق يېزا-كەنتلەرنى گۈللەندۈرۈشكە كۈچ قوشتى. (ئىختىيارىي مۇخبىر مەمەتئېلى ئەنۋەر)
خىزمەتچىلەر چوڭ تىپتىكى مىس قول ھۈنەر-سەنئەت بۇيۇملىرىغا نەقىش ئويماقتا.
نەپىس مىس قول ھۈنەر-سەنئەت بۇيۇملىرىغا ئەۋلادمۇئەۋلاد داۋاملىشىپ كەلگەن ھۈنەر-سەنئەت مۇجەسسەملەنگەن.
